[the_ad_group id=”107″]

ሚዲያውን ቸል አንበለው!

ለወንጌል ሥራ ስላለው ጠቃሜታ ብዙ የተባለለት የብዙኀን መገናኛ በእኛ አገር የአቅሙን ያህል እንዳልተጠቀምንበት ለብዙዎች የተሰወረ አይደለም፡፡ የአብያተ ክርስቲያናት መሪዎች አንድም ከግንዛቤ ጉድለት፣ አንድም ደግሞ ከፍላጎት ማጣት የተነሣ ቸል ያሉት ይህ የአገልግሎት ዘርፍ አሁን ከመቼውም ጊዜ በላይ አስፈላጊነቱ ጎልቶ እየታየ መጥቷል፡፡

ይህንን የተረዱ ጥቂት ግለ ሰቦችና ቤተ ክርስቲያናት የአገልግሎት ዘርፉን ተቀላቅለው ደፋ ቀና እያሉ ይገኛሉ፡፡ “ጥቂት” የምንለው አማኝ ማኅበረ ሰቡ ካለው ቁጥር አንጻር ሲታይ አሁን ያሉት (የነበሩትን ጨምሮ) የክርስቲያን ሚዲያ አባላት እጅግ አነስተኛ ከመሆናቸው የተነሣ ነው፡፡ እነዚሁ ግለ ሰቦችና ተቋማት የበኩላቸውን ጥረት ቢያደርጉም እንኳ ሊደርሱት ከሚፈልጉት ሕዝብ አነጻር ውጤታማነታቸው ያን ያህል አመረቂ ስለመሆኑ በርግጠኝነት መናገር አይቻልም፡፡ ከዚያም ባለፈ የሠሯቸውና እየሠሯቸው ያሉ ስሐተቶች ብዙዎች የአገልግሎት ዘርፉን እንዲፈሩት፣ እንዲሸሹት ብሎም እንዲጠሉት ሳያደርገው አልቀረም፡፡

ሕንጸት መጽሔት የአገልግሎት ዘርፉን፣ በተለይም ደግሞ የቴሌቪዥን አገልግሎቱን ርእሰ ጉዳይ አድርጎ ያነሣበት ዋናው ምክንያት ዘርፉ ያለበትን ድክመት በመጠቆም የተሻለ ደረጃ የሚያደርሰውን መንገድ ለመፈለግ ነው፡፡ ባሉብን ችግሮች ላይ በግልጽ መወያየት ካልቻልን፣ ችግሮቻችንን መቅረፍም ሆነ የተሻለ አገልግሎት መስጠት አንችልም ብለን በጽኑ እናምናለን፡፡ ስለሆነም፣ ርእሰ ጉዳዩ ይመለከተናል የሚሉ ማናቸውም አካላት፣ የኢትዮጵያ የክርስቲያን ብዙኀን መገናኛ አገልግሎትን ለማሳደግና የተሻለ ለማድረግ ኀላፊነት በተሞላው መልኩ እገዛ ሊያደርጉለት ይገባል፡፡ በአገልግሎት ዘርፉ የተሰማራን  ወገኖችም ያሉብንን ክፍተቶች ለመሙላት እስከዛሬ የመጣንበትን መንገድ መመርመር፣ ብሎም ከስሕተቶቻችን ለመማር ራሳችንን ትኁታን የማድረጊያው ጊዜ አሁን እንደ ሆነ በማመን ልንተጋ ያስፈልገናል፡፡

Hintset

ድምፃዊ ተፈራ ነጋሽ:- “ታንክ ቢመጣ ወደኋላ አልመለስም”

5 አልበሞች ለአድማጭ አድርሷል፤ ከእነ አረጋኸኝ ወራሽና ሌሎች ድምፃውያን ጋር የሠራቸው ስብስብ ሥራዎችም አሉት። “ደህና ሁኝ ልበልሽ በእንባ እየታጠብኩኝ”፣ “ምነው ቀዘቀዘ ፍቅራችን”፣ ከሥራዎቹ መካከል ጎልተው የሚጠቀሱት ናቸው። ሰሞኑን በታክሲ ሾፌርነት መታየቱ ተሰምቶ አነጋግረነዋል።

ተጨማሪ ያንብቡ

ዕቅበተ እምነትና ውግዘት

“ውግዘት ከዕቅበተ እምነታዊ ሙግት ይልቅ፣ የሰፋ ጥናትና በእግዚአብሔር ቃል ላይ የተመሠረተ ተብራርቶ የሚቀርብ ግንዛቤና ግልጽነት ይፈልጋል።” ጆንሰን እጅጉ

ተጨማሪ ያንብቡ

ኢየሱስ እና የመከራ ሕይወት

በእግዚአብሔር ሕልውና የማያምኑ ሰዎች “እግዚአብሔር የለም” ለማለት በየዘመናቱ ከሚያነሧቸው ጥያቄዎች አንዱ በምድር ላይ የመከራ መኖር ነው፡፡ ʻእግዚአብሔር ቢኖር ይህ ሁሉ ጥፋት በሰዎች ላይ ለምን ይደርሳል?ʼ ይላሉ፤ እግዚአብሔርን የሚያምኑ ሰዎችም ጥያቄውን ደጋግመው ያነሡታል፡፡ ሰዎች መከራን በተለያየ መልኩ ሲጋፈጡ በእግዚአብሔር ሕልውና፣ በእግዚአብሔር መልካምነት ወይም በእግዚአብሔር ሁሉን ቻይነት ላይ ጥያቄ ይፈጠርባቸዋል፡፡ የመከራ ሕይወትና የእግዚአብሔር ሕልውና የተጋመዱ ናቸው፡፡ ለዚህ ነው ቅዱስ አውግስጢኖስ፣ “እግዚአብሔር ከሌለ ይህ ሁሉ መልካም ነገር እንዴት ይኖራል? እግዚአብሔር ካለስ እንዴት ይህ ሁሉ ክፋት ይኖራል?” ሲል የጠየቀው፡፡

ተጨማሪ ያንብቡ

Add comment

Your email address will not be published. Required fields are marked *

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.