[the_ad_group id=”107″]

እግዚአብሔር - አለ!

የንጹሐን ደም በግፍና በጭከና እየፈሰሰ፣ የፍርሀትና የስጋት ጽልመት አገራችንን በሸፈነበት በዚህ ወቅት፣ ለፍትሕ የምናሰማው ጩኸት እንዳለ ሆኖ፣ እግዚአብሔር ዓለማትን በፈጠረበትና ደግፎ በያዘበት በዚያው የሥልጣኑ ቃል፣ አገራችንን በፍጹም ሉዓላዊነት ደግፎ እንደያዘ ልብ ልንል ይገባል። እርሱ ትላንትናን፣ ዛሬና ነገን በአንድ ጊዜ በእጁ የያዘ አምላክ ነው። ነገሥታት ነገን አያውቁም፤ ከሊቆችም የተሰወረ ነው። በርግጠኝነት የምናውቀው ግን፣ የእግዚአብሔርን ሁሉን ዐዋቂነት፣ ሁሉን ገዢነት፣ ቻይነትና ታማኝነት ነው። ፍርሀታችን፣ ጥያቄያችን፣ ስጋታችንና ተጋዳሮቶቻችን በሙሉ በእርሱ ዘንድ የታወቁ ናቸው። የአንዲቷም ሰኮንድ ኹነት (event) ከእርሱ ልትሰወር አትችልም።

የሰላም መረበሽና የፍትሕ ቀውስ እየከረረ በመጣበት በዚህ ዘመን፣ እንደ ክርስቲያን ተስፋ የምናደርገው የታሪክን አቅጣጫ በልጓም የያዘውን ልዑል እግዚአብሔርን ነው። ከእርሱ የፍትሕ ዐይኖች የሚሰወር ምንም ነገር የለም። እግዚአብሔር ከአቤል ዘመን ጀምሮ የንጹሐንን ደም ሲያፈስሱ ከነበሩት ግፈኞች ይልቅ እጅግ ብርቱ አምላክ ነው፤ ከዙፋኑ ፍርድ ይሰጣል። በገዛ ወንድሙ ከተገደለው ከአቤል ጀምሮ፣ በቅርቡ ዲያቢሎሳዊ በሆነ ጭከና እስከ ተገደሉት ወገኖቻች ድረስ የፈሰሰው የንጹሐን ደም በከንቱ አይቀርም። የቱንም ያህል ቢጨልም፣ አገራችን በልዑል እግዚአብሔር እጅ እንጂ፣ በግፈኞች እጅ አይደለችም።

ኢዮሣፍጥ በሁሉ አቅጣጫ ጦርነት በታወጀበትና ግራ በተጋባበት ጊዜ፦ “የአባቶቻችን አምላክ እግዚአብሔር ሆይ፤ አንተ በሰማይ የምትኖር አምላክ አይደለህምን? የምድር ሕዝቦችን መንግሥታት ሁሉ የምትገዛ አንተ ነህ፤ ኀይልና ሥልጣን በእጅህ ነው፤ ሊቋቋምህም የሚችል ማንም የለም።” በማለት ጸለየ (2 ዜና 20፥6)።

ወገኖቼ – እግዚአብሔር – አለ! አዎን አለ! ምንም እንኳን ከተከበበት የስጋት ጽልመት መውጫውን ባያውቅም፣ በእግዚአብሔር ሉዓላዊነትም በመደገፍ፣ ኢዮሣፍጥ እንዲህ አለ፦ “የመጣብንን ይህን ታላቅ ሰራዊት እንቋቋም ዘንድ አቅም የለንምና የምናደርገውን አናውቅም፤ ነገር ግን ዓይኖቻችን ወዳንተ ናቸው . . .” (2 ዜና 20፥12)።

እግዚአብሔርን ፈለገ፤ ተገኘለትም። “ሰልፉ የእኔ ነው፣ የማደርገውን ማዳን ተመልከት አለው።” ሁሉን ቻዩ ልዑል እንደተናገረው፣ ድብቅ ጦርን አስነሣ፤ ምድሪቱም አረፈች፤ በዙሪያው ካለው ስጋት ሁሉ አሳረፈው!

ለአገራችንም እንዲሁ ይሁንልን። አሜን!

Girma Bekele (Ph.D.)

የቃላት ጡጫ እና ጉዳቱ

የብእር ሐሳብ ከማይነጥፍባቸው ነገሮች አንዱ የፍቅር ጉዳይ ነውና ዛሬም ስለ ፍቅር እናውጋ። የፍቅር ታሪኮችን ስናደምጥ ደግሞ ተያያዥ ስሜት መውረሩ አይቀርም። አንዳንዱ ታሪክ ልባችንን ጮቤ የሚያስረግጥ ነው፤ የተከፈለው መሥዋዕትነት ‘ብዙ ውኾች’ ፍቅርን ለማጥፋት የፈረጠመ ጡጫ እንደሌላቸው ምስክር ነው (መኀ. 8፥7)። ሌላው ደግሞ ውስጣችን በቁጭት እንዲብሰከሰክ ምክንያት የሚሆን ነው (2 ሳሙ. 13፥1-20)። በስመ ፍቅር አንዳንዶች የተጎነጩትን ጭቆና እና ግፍን ተመልክቶ አለመቆጣት በርግጥም የተባባሪ ያህል ያስቆጥራል።

ተጨማሪ ያንብቡ

መንፈስ ቅዱስ በታሪክ ውስጥ

በዘመናችን የኢትዮጵያ ቤተ ክርስቲያን ምስባኮች ላይ መንፈስ ቅዱስ የሚለው ስም መጥራት የተለመደ ቢሆንም፣ ሕዝበ ክርስትያኑ ስለ መንፈስ ቅዱስ ማንነት ጠንቅቆ ያውቃል ለማለት አስቸጋሪ ይመስላል። መንፈስ ቅዱስን አስመልክቶ ግልጽ አስተምህሮ ያለም አይመስልም። ለአንዳንዶች መንፈስ ቅዱስ ተአምራት ማድረጊያ ኀይል፣ እንዲሁም በጨርቅ ተደርጎ እና በጠርሙስ ታሽጎ የሚወሰድ ትንግርት መፍጠሪያ ሲሆን፣ ለሌሎች ደግሞ ማነቃቂያ እና ተሃድሶ የሚያመጣ እሳት ወዘተ. ነው።

ተጨማሪ ያንብቡ

“ከመደነጋገር መነጋገር”

መስከረም አበባ አበረ፣ “ከመደነጋገር መነጋገር” በሚል ርእስ ለንባብ በበቃውና ለወቅታዊው የአገራችን የትርምስ ገጽታ ሁነኛ ምክር አለው በተባለው መጽሐፍ ላይ ያቀረቡትን የአንባቢ ዕይታ እንደሚከተለው አቅርበዋል።

ተጨማሪ ያንብቡ

Add comment

Your email address will not be published. Required fields are marked *

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.