[the_ad_group id=”107″]

“እግዚአብሔር፣ ያልተቀደሰች ቤተ ክርስቲያንን ፈጽሞውኑ መኖርያው አያደርግም” - ቻርልስ ሀደን ስፐርጀን

“በሲቃ ከማልቀስ በስተቀር፣ ሕመሜ መታገሥ ከምችለው በላይ ሆኖብኝ በምሰቃይበት አንድ ወቅት፣ ከጌታ ጋር ብቻ መሆን እንድችል አጠገቤ የነበሩት ወገኖች ከክፍሌ እዲወጡልኝ ጠይቅዃቸው። ወዲያውኑ ከእንባ ጋር ለእግዚአብሔር ቀጥሎ ያለውን ጸሎት ከማለት ውጭ ምንም ማለት አልቻልሁም ነበር፦
‘አንተ አባቴ ነህ፤ እኔም ልጅህ ነኝ። አንተ እንደ መልካም አባት ሩኅሩኅና ቸር ነህ። [በማይገባኝ መልኩ] በሰጠኽኝ መከራ ልጄ ሲሰቃይ ባየው፣ እንደ ወላጅ አባት እያየሁ ዝም ማለት አልችልም። እቅፍ አድርጌው አጽናናዋለሁ፤ ከመከራውም ሁሉ እንዲያርፍ ላደርግ የምችለውን ሁሉ አደርጋለሁ። ታዲያ አባቴ እግዚአብሔር ሆይ፤ ፊትህን ከእኔ ለምን ትሰውራለህ? እጅህንስ ለምን ታከብድብኛለህ? ፊትህን በመልካምነትህስ ወደ እኔ አትመልስምን?’”

ስፐርጀን ይቀጥላል፦

“እናም ይህን ስቅዩ ልቤን በእግዚአብሔር ፊት ካፈሰስሁ በኋላ፣ ውስጤን ረፍት ሞላው። ወገኖች ተመልሰው ወደ ክፍሌ ሲገቡ፣ ‘እግዚአብሔር የጭነቅት ጩኸቴን ሰምቷል፤ ተሽሎኛል፤ ሸክሜም ቀሊል ሆኗል። እግዚአብሔርን እባረካለሁ’ አልኋችው።” (C. H. Spurgeon, Heaven’s Nurse Children, Metropolitan Tabernacle, Newington)

በመንፈስ ቅዱስ ኀይል የቃሉን ብርሃን በሚገልጠው ስብከተ ወንጌሉ እስከ ዛሬ ድረስ የሚወሳው እንግሊዛዊው ቻርልስ ሀደን ስፐርጀን (19 June 1834 – 31 January 1892)፣ አገልግሎቱ በብዙ መከራና የልብ ስብራት የታሸ ነበር። እንደ እርሱ አገላለጽ፣ በመርዛምና ዐጥነት በሚሰብር ስም ማጠልሽትና ትችት፣ በለዘብተኛ ጋዜጠኞች የማያቋርጥ አቃቂር፣ ከአስቸጋሪ መሪዎች ጋር ማገልገል፣ ምንም ቢደረግላቸው በማይረኩ አባላት፣ በቅርብ ወዳጆች መከዳት፣ በሕመም፣ ለዓመታት በላይ ከወገቧ በታች ሽባ የነበረችውን ባለቤቱን በማስታመም እንዲሁም ምክንያት ከሌለው ድባቴ (causeless depression) ጋር እየታገለ ነበር የሚያገለግለው።

“ዛሬ ሆሳዕና በማለት ስሜን ያገነነው ያው ሕዝብ፣ ሊሰቅለኝ . . . ሰው ሲተወኝ፣ ያመንሁት ሲከዳኝ፣ እጁን የሰጠኝ ሲነሣኝ፣ በእጅጉ ያማል። ሆኖም ጌታ ፊቱን ሲያዞር [ወይም ዝም ያለኝ ሲመስለኝ] ከሚሰማኝ ሕመም ጋር ፈጽሞውኑ አይነጻጸርም . . . በሰው በመናቅ፣ በመገፋትና ኢፍትሐዊ መከራ በመቀበል ውስጥ፣ የእኔ ብርታትና ዐቅም ይሟጠጥና የጌታ ጸጋ ይፈስሳል፤ ዐብሮነቱም በአገልግሎቴ ውስጥ የተትረፈረፈ ዐቅም ይሆነኛል . . . ይሁን እንጂ፣ በዚህ ውስጥ ማለፍ እጅግ ከባድ ነው። ከልብ ስብራት የተነሣ፣ ከቅንድቤ ላብ እስኪንቆረቆር ድረስ ብዙ ጊዜ የስም ጕድፈት ዶፍ ወርዶብኛል፤ በጥልቅ ሐዘን የተሰበረው ልቤ ለመቈም ዐቅም አሳጦቶ አንበርክኮኛል። በእግዚአብሔርም ፊት ተደፍቼ አልቅሼአለሁ” (Salvation of the Lord, Jonah 2:9 – May 10, 1857, New Park Street Pulpit Volume 3)።

ስለ ራሱ መመለስ በማይችልበት ሁኔታ፣ በቅንነት ያገለገለበት የመጥምቃውያን ማኅበር ፍትሕ በሌለው መልኩ በአደባባይ ሲያዋርደው፣ አገልግሎቱ አንዴ በዝና ተራራ ላይ ከፍ ሲያደርገው፣ በሌላ ጊዜ ደግሞ መውጫ የሌለው የውርደትና የስብራት ሸለቆ ውስጥ ሲከትተው፣ በእግዚአብሔር ሉዓላዊነት ላይ የነበረው ሙሉ እምነትና ለክርስቶስ የነበረው ፍቅር ዐቅም ሆነውታል።

በአገልግሎቱ ማብቂያ ገደማ፣ ሁለት የተቀናጁ ነቀፋዎች እጅግ ጐድተውት ነበር። አንደኛው፣ “The Down-Grade Controversy of 1887–88 ” (የዝቅታ ወይም የቁልቁሎሽ ውዝግብ) በመባል የሚታወቀው ሁለት ዓመት የፈጀና ሥጋዊነት የለበሰ የመጥምቃውያን ማኅበር አድካሚ ስብሰባ ነበር። ወቅቱ የቻርልስ ዳርዊን ሳይንሳዊ ፍልስፍና ለልቅ ነገር መለኮት (theological liberalism) ዘር በመሆን፣ የወንጌላውያኑን መሠረታዊ የእምነት ፋይዳዎች መሸርሸር የጀመረበት ነበር፤ በተለይም በሁለት ዐበይት ዶክትሪኖች ላይ። በመጀመሪያ ደረጃ፣ የመጸሕፍ ቅዱስን የበለይነት፣ ሕጸጽና (infallible) ግድፈት አልቦነት (inerrant) በተመለከተ ሲሆን፣ በመቀጠል የወልድን መለኮታዊነት እንዲሁም ምትክ ቤዛዊ ሞቱን አስመልክቶ፣ የመጥምቃውያኑ ኅብረት የእምነት አቋም አደጋ መኾኑ ነበር። ስፐርጀን የነበረውን ስጋት በግልጽ ተናግሮ ነበር። ከዚያም ዐልፎ፣ ውዝግቡ እርሱ በሚመራው ወርኀዊ መጽሔት ላይ በመታተሙ፣ ወደ ልቅ ነገር መለኮት ማዘንበል በጀመሩና ቀደም ሲለም ከእርሱ ጋር የሻከረ ግኑኙነት ከነበራቸው ተጽእኖ አምጭ መሪዎች ጋር የከረረ ግጭት ውስጥ ከትቶታል።

ሁለተኛው ደግሞ፣ “የባሪያን ንግድና አሳዳሪነት” አስመልክቶ የነበረው ተቃውሞ ከአሜሪካ ደቡባዊ መጥምቃውያን ማኅበር ጋር አጋጭቶታል። ስብከተ ወንጌሎቹ በአሜሪካ እንዳይሰራጩ እንዲሁም ተደማጭነት እንዳይኖረው ዘመቻ ተካሂዶበታል።
የልቅ ነገር መለኮትን መብቀልና የሥነ ምግባር ዝቅጠትን በተመለከተ የነበረውን ሐዘን እንዲህ በማለት ገልጿል፦

“የከተማችን ለንደን መንገዶች በበደልና በክፋት ተሞልተዋል፤ ብቅ ማለት ለጀመረው እምነት የሌሽነት እያሳየን ያለው ዝምታ (ባይተዋርነት) ያሳስበኛል. . . እግዚአብሔር፣ ያልተቀደሰች ቤተ ክርስቲያንን ፈጽሞውኑ መኖርያው አያደርግም፤ በሥጋዊነት የተዥጐረጐረን ሕይወት እግዚአብሔር ይጸየፋል።” (The Best War-Cry, March 4, 1883)።

“የባሪያን ንግድና አሳዳሪነት” አስመልክቶ ደግሞ፣ “ከውስጥ ነፍሴ እጅግ አብዝቼ የምጠላው ነው . . . ከተለያየ እምነት ለሚመጡ [ክርስቲያኖች] የጌታን ራት አካፍያለሁ፤ ሆኖም ከባርያ ነጋጅና አሳዳሪ ጋር ፈጽሞውን ምንም ዐይነት ኅብረት አይኖረኝም።” በማለት በወቅቱ የነበረውን መዋቅራዊ ዘረኝነት ፊት ለፊት ተጋፍጧል። (The Christian Watchman and Reflector, Boston Baptist Newspaper, January 26, 1860)

እውነትን መሥዋዕት ያደረገ የአንድነት ፍለጋ፣ ክርስቶስን መካድ ነው . . . እርሱ መምህራችንና ጌታችን ነው፤ ቃሉን እንጠብቃለን፤ የእርሱን አስተምህሮ መነካካት እርሱን እራሱን መካድ ነው።”

በመጨረሻም በአደባባይ፣ ቤተ ክርስቲያንንና ኅብረትን እንደማይወድድና እንደማይታዘዝ ተቈጥሮ ከኅብረቱ እንዲሰናበት ተደርጓል። መገለል፣ የቅርቤ ናቸው ያላቸውን ማጣት፣ ብቸኝነት፣ የስም ማጥፋቱ ዘመቻ ውስጡን እጅግ ጐድተውታል። ሆኖም እምነቱ ጽኑ ነበር፤ “To pursue union at the expense of truth is treason to the Lord Jesus . . . He is our Master and Lord, and we will keep his words: to tamper with his doctrine would be to be traitors to himself.” (እውነትን መሥዋዕት ያደረገ የአንድነት ፍለጋ፣ ክርስቶስን መካድ ነው . . . እርሱ መምህራችንና ጌታችን ነው፤ ቃሉን እንጠብቃለን፤ የእርሱን አስተምህሮ መነካካት እርሱን እራሱን መካድ ነው።”) (“A Fragment Upon the Down-Grade Controversy, Sword and Trowel, November 1887)

ስለመገፋቱ ደግሞ፦

“ስሜ ከጠፋው በላይ፣ ሰዎች ሊናገሩ የሚችሉት የከፋ ነገር የለም። ከራስ እስከ እግር ጥፍሬ ድረስ ተወግጃለሁ፤ እስከ ጥግ ድረስ ያልሆኑትን ምስል ተሰጥቶኛል። መልካምነቴን በተመለከት፣ አሁን መልከ ጥፉ ከተደረገበት ባላይ፣ የከፋ ማደረግ ማንም አይችልም። መጥፋት የሚችለውን ያህል ጠፍቷልና። ያልተጐዳ ምንም የቀረኝ ማንነት የለም።” (An All-Around Ministry Addresses to Ministers and Students, 1872, 159)

በእነዚህ ነውጦች ሁሉ መካከል፣ “የነፍስ ድቅድቅ የጨለማ ምሽት” በማለት በሚጠራውና ዐልፎ ዐልፎ በሚነሣ ሰበብ የለሽ ድባቴም ይቸገር ነበር። በአንድ ስብከቱ መካከል፣ የደባቴውን ክብደት እንዲህ በማለት ገልጾታል፦ “ባለፈው ሳምንት በሶፋ ላይ ጋደም ባልሁበት፣ ድባቴ ድንገት መጣና ልቤን አወረደው። ለሰዓታት እንደ ሕፃን ልጅ አለቀስሁ፤ ምክንያቱን ግን አልውቀውም ነበር።” (The Christian’s Heaviness and Rejoicing: 1 Peter 1:6, November 7, 1858)። ጋውት (Gout) የተሰኘው የጣቶችና (በተለይም የእግር አውራ ጣት) የመገጣጠሚያዎች ቁርጥማት (አርትራይተስ) እና የኩላሊት ሕመም፣ መከራውን ቀላል አላደረጉለትም። የጋውት ድንገተኛ ሕመም ሲመጣ የሚሰማው ስለታማ ስሜት፣ አውራ ጣትን በመዶሻ የማድቀቅ ያኽል ነው። በዚያ ላይ ከማሕፀን ሕምም ጋር በተየያዘ ምክንያት በተካሄደ ያለተሳካ ቀዶ ጥገና፣ ለ 27 ዓመታት ከወገብዋ በታች ሽባ የነበረችውን ባለቤቱን ሱዛናናን ያስታምም ነበር። የመጨረሻዎቹ ጥቂት ዓመታቶቹ፣ የደስታ አልነበሩም። ልቡ ወድቆ ነበር። ቀድሟት በሞት የተለያት ባለቤቱ፣ “ለእምነቱ የነበረው ተጋድሎ፣ ሕይወቱን አስከፍሎታል” በማለት መስክራለታለች።

በብዙ መከራ ውስጥ፣ በትችት፣ በመገፋት ወይም ርኅራኄ በሌላቸውና በሥጋውያን አስቸጋሪ መሪዎች ጫና ሥር የሚያገለግሉ ብዙ የጌታ ባሪያዎች አሉ። አብዛኛዎቹን ሚዲያው አያውቃቸውም።

ነቢዩ ኤልያስ፣ “እግዚአብሔር ሆይ፤ በቅቶኛል፤ እኔ ከቀደሙት አባቶቼ አልበልጥምና ነፍሴን ውሰዳት” በማለት የጸለየበት ምክንያት ይኽው የልብ መውደቅ ነበር።

በብዙ መከራ ውስጥ፣ በትችት፣ በመገፋት ወይም ርኅራኄ በሌላቸውና በሥጋውያን አስቸጋሪ መሪዎች ጫና ሥር የሚያገለግሉ ብዙ የጌታ ባሪያዎች አሉ። አብዛኛዎቹን ሚዲያው አያውቃቸውም። በዚያ ላይ ቤት ኪራይ በመክፈልና ልጅን በማሳከም፤ አስቤዛ በማድረግና ለልጆች ትምህርት ቤት በመክፈል፤ መድኃኒት ለራሳችው በመግዛትና የባለቤታቸውን ጥርስ በማሳከምና በመሳሰሉ አስከፊ የኑሮ ምርጫ አጣብቂኝ ውስጥ እያለፉ፣ በየሰንበቱ በታማኝት የሚያገለገሉ ባሪያዎች አሉ። በአንድ በሌላም መንገድ፣ በአገልግሎት ጉዞ ውስጥ፣ “ዮሴፍን የሚሸጡ ወንድሞች፣ ዳዊትን የሚያሳደዱ ሳዖሎች፣ በሙሴ ላይ የሚነሡ ማርያሞችና አሮኖች፣ ክርስቶስን አሳልፈው እንደሰጡት ያሉ ደቀ መዛሙርት፣ ጴጥሮሶችና ይሁዳዎች፣ ዴማሶች፣ አንጥረኞቹ እስክንድሮሶች፣ ሌሎቹ” አይጥፉም። በአገልግሎት ውጣ ውረድ ውስድ፣ ቅዱስ ቃሉ ሁሉ የጠራችሁ እርሱ የታመነ ነው እንደሚል፣ እግዚአብሔር ታማኝና ሉዓላዊ ነው።

የተጽናናበትንና የጸናበትን ምክንያት ሲናገር፦

እጅግ በከበደ መልኩ ሐዋርያት በመከራ ስለ ታጀበው የወንጌል አገልግሎታቸው ብዙ ጊዜ በምስጋና ልብ ተናገረዋል። በዚህ ዐውድ ሁለቱን መጥቀስ አግባብነት አለው።

በተሰበረ ልብ፣ በሙሉ ኀይልና መሰጠት ለቅዱስ ቃሉ ታማኝ በመሆን እንዴት ማገልገል ይቻላል? ስፐርጀን እንዳለው፣ “ለራስ በመሞት በእግዚአብሔር ሉዓላዊነትና ጸጋ በመደገፍ ብቻ ነው።”

ከየአቅጣጫው ብንገፋም አንንኰታኰትም፤ ግራ ብንጋባም ተስፋ አንቈርጥም፤ ብንሰደድም ተጥለን አንቀርም፤ መትተው ቢጥሉንም አንጠፋም። የኢየሱስ ሕይወት በሰውነታችን እንዲገለጥ፣ የኢየሱስን ሞት ዘወትር በሰውነታችን ተሸክመን እንዞራለን። የኢየሱስ ሕይወት ሟች በሆነው ሥጋችን እንዲገለጥ፣ እኛ ሕያዋን የሆንን ሁል ጊዜ ስለ ኢየሱስ ለሞት ዐልፈን እንሰጣለንና። እንግዲህ ሞት በእኛ ይሠራል፤ ሕይወት ግን በእናንተ። (2 ቆሮንቶስ 4፥8-12)

“ወዳጆች ሆይ፤ እንደ እሳት የሚፈትን ብርቱ መከራ በመቀበላችሁ እንግዳ ነገር እንደ ደረሰባችሁ በመቍጠር አትደነቁ፤ ነገር ግን ክብሩ በሚገለጥበት ጊዜ ደስታችሁ ታላቅ እንዲሆን የክርስቶስ መከራ ተካፋዮች በመሆናችሁ ደስ ይበላችሁ . . . ስለዚህ እንደ እግዚአብሔር ፈቃድ መከራ የሚቀበሉ ሁሉ ነፍሳቸውን ለታመነ ፈጣሪ ዐደራ ሰጥተው መልካም ማድረጋቸውን ይቀጥሉ።” (1 ጴጥሮስ 4፥12-19)

“አገልግሎታችን ከአእምሮ ሥራ በላይ ነው። የልብ ጕዳይ ነው፤ የነፍስ ውስጠኛ ድካም።” 

አገልግሎት “ሙያ” ያልሆነበት ቀዳማዊ ምክንያት ከልብ ጋር የተቆራኘ በመሆኑ ነው። በፍትሕ የለሽ በደልና ስብራት የቈሰለ ልብን ተሸክሞ፣ በታማኝነትና በመሰጠት ማገልገል ትልቅ ጽናትና ጸጋ ይጠይቃል። ስፐርጀን እንዳለው፣ “አገልግሎታችን ከአእምሮ ሥራ በላይ ነው። የልብ ጕዳይ ነው፤ የነፍስ ውስጠኛ ድካም።” (Spurgeon, Lectures to My Students, [Zondervan Publishing House, 1972], 156)

በተሰበረ ልብ፣ በሙሉ ኀይልና መሰጠት ለቅዱስ ቃሉ ታማኝ በመሆን እንዴት ማገልገል ይቻላል? ስፐርጀን እንዳለው፣ “ለራስ በመሞት በእግዚአብሔር ሉዓላዊነትና ጸጋ በመደገፍ ብቻ ነው።” በእግዚአብሔር ሉዓላዊነት ላይ የነበረው ጽኑ እምነት፣ በልቡ የፈሰሰው ወሰን የለሽና ሁሉን አስጣይ የክርስቶስ ፍቅር፣ በጌታ ጸጋ ተደጋፊነት፣ የጸሎት ትጋቱን፣ ብቻውን ቢቀርም እንኳን ለወንጌል ንጽሕና የነበረው ቀናዒነት፣ ዐቅሙ ነበሩ።

በተሰበረ ልብ፣ በሙሉ ኀይልና መሰጠት ለቅዱስ ቃሉ ታማኝ በመሆን እንዴት ማገልገል ይቻላል? ስፐርጀን እንዳለው፣ “ለራስ በመሞት በእግዚአብሔር ሉዓላዊነትና ጸጋ በመደገፍ ብቻ ነው።”

“በብዙ [መከራ] በጌታ አገልግሎት ብዝልና ያለ ዕድሜያችን ብንሞት፣ ክብር ለግዚአብሔር ይሁን። ምድር ትንሽ፣ ሰማይ ደግሞ ብዙ ይኖረናል ማለት ነው።” (An All Round Ministry, 126–127).

ጸጋ ከእናንተ ጋር ይሁን። አሜን!

A fine Facebook embed example, this is

Proactively deploy backward-compatible catalysts for change rather than maintainable channels. Seamlessly create cost effective infrastructures via frictionless process improvements. Phosfluorescently target effective convergence vis-a-vis mission-critical

ተጨማሪ ያንብቡ

የክርስቶስ ወንጌል እና ሳምራውያን

“እርሱ ሰላማችን ነውና፤ ሁለቱን ያዋሓደ፣ በዐዋጅ የተነገሩትንም የትእዛዛትን ሕግ ሽሮ በመካከል ያለውን የጥል ግድግዳን በሥጋው ያፈረሰ፣ ይህም ከሁለታቸው አንድን አዲስ ሰው በራሱ ይፈጥር ዘንድ፣ ሰላምንም ያደርግ ዘንድ፣ ጥልንም በመስቀል ገድሎ በእርሱ ሁለታቸውን በአንድ አካል ከእግዚአብሔር ጋር ያስታርቅ ዘንድ ነው።” (ኤፌ. 2፥14-18)።

ተጨማሪ ያንብቡ

የአምልኮ ጥያቄ

ጥቂት የማይባሉ አማኞች “አምልኮ” የሚለውን ፅንሰ ሐሳብ የሚረዱት በዝማሬ ውስጥ ነው። ይህ ጠባብ ትርጓሜ ደግሞ በአማኞች ሕይወት ላይ የራሱን አሉታዊ አሻራ ማሳደሩ አልቀረም። ለመሆኑ አምልኮና ግብር ያላቸው ዝምድና ምንድን ነው?

ተጨማሪ ያንብቡ

1 comment

Your email address will not be published.

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.