[the_ad_group id=”107″]

መልካም ጅምሩ እንዳይደናቀፍ

የሥነ መለኮት ጥናት በኢትዮጵያ ወንጌላውያን አብያተ ክርስቲያን አጭር ዕድሜ ያለው ነው፡፡ የዕድሜው ዕጥረት ከወንጌላውያን ክርስትና አጀማመር ጋር የራሱ ቁርኝት አለው፡፡ የአብያተ ክርስቲያናቱ የቆይታ ዘመን በአንጻራዊነት ከታየ አጭር የሚባል ነውና፡፡ ከቅርብ ጊዜ ወዲህ ግን በርካታ ቤተ ክርስቲያናት፣ አጋር ቤተ ክርስቲያናትና ግለ ሰቦች የመጽሐፍ ቅዱስ ት/ቤቶችን መክፈት ጀምረዋል፡፡ በመሠረቱ ይህን መሰሉ ጥረት ሊበረታታ ይገባል እንላለን፡፡ ይሁን እንጂ ጥረቱን ማበረታታት እንዳለ ሆኖ ቅድሚያ ትኩረት ሊሰጣቸው የሚገባቸው ጉዳዮች አሉ፡፡ እነዚህ ጉዳዮች በዋናነት ከትምህርት ጥራት ጋር የተገናኙ ናቸው፡፡

ሰዎች ከመቼውም ጊዜ በላይ ሥነ መለኮትን መማር የሚፈልጉበት ጊዜ ላይ ናቸው፤ ለዚህም የተለያዩ ምክንያቶች ሊኖሩ ይችላሉ፡፡ የሰዎች የተለያዩ ምክንያቶች ግን በትምህርት ጥራቱ ላይ አሉታዊ ተጽእኖ እንዳያመጣ መጨነቅ ያስፈልጋል፡፡ አንዳንዶች፣ ቤተ ክርስቲያናት ለአገልግሎት “እርከን” ዕድገትም ይሁን አገልጋዮችን ተቀብሎ ለማሰማራት የሥነ መለኮት ምሩቃን የሆኑትን የሚፈልጉበት ጊዜ ከመሆኑ የተነሣ፣ “ወረቀት” (ዲግሪ) ፍለጋ ይመጣሉ፡፡ እነዚህ ሰዎች ብዙ ጊዜ የትምህርት ጥራቱ አያሳስባቸውም፤ እንደውም ትምህርቱ እንዲከብድና ጥራቱ እንዲጠበቅ የማይፈልጉበት ጊዜ ይበዛል፡፡ ታዲያ ት/ቤቶች ገበያውን በማሰብ ብቻ “ዲግሪ መቸብቸብ” ሥራቸውን ካደረጉ ­ለመሰል ግለ ሰቦች ጊዜያዊ ፍላጎት መንበርከክ ግድ ይላቸዋል፡፡

በተመሳሳይም ት/ቤቶቹም ጊዜያዊ ጥቅምን በማሰብ ብቻ ከተቋቋሙ ወይም የግባቸው መዳረሻ ገንዘብ ማግኘት ከሆነ ችግሩ የጎላና የገዘፈ ይሆናል፡፡ ከአቅማቸው በላይ በሆነ ሁኔታ ተማሪዎችን ለከፍተኛ ደረጃ ትምህርት ሲያጩ የሙያ ሥነ ምግባርም ሆነ የኅሊና ወቀሳ የማይሰማቸው አሉ፡፡ ለድኅረ ምረቃ ይቅርና ለሠርተፊኬትና ለዲፕሎም መርኀ ግብሮች በቂ ተቋማዊ ዝግጅቱና አቅሙ የሌላቸው “ት/ቤቶች” በዶክትሬት ማዕረግ እንደሚያስመርቁ ያስታውቃሉ፡፡ የትምህርት ጥራቱን ማረጋገጥ ከማይቻል የውጪ ተቋም ጋር አብረው እንደሚሠሩ፣ ዲግሪውም ከውጪ እንደሚመጣ በመንገር የተማሪዎችን ልብ ያማልላሉ፡፡ በመርሕ ደረጃ ማንኛውም ትምህርት ከንግድ ያለፈ ዓላማ አለው፤ የሃይምኖት ትምህርት ሲሆን ደግሞ ኀላፊነቱ በዚያው መጠን ከፍ ይላል፡፡ ስለሆነም እንዲህ ያሉ ት/ቤቶች ቁጥጥር ሊደረግባቸው የሚችልበት አሠራር መዝርጋት አስፈላጊ ነው፡፡ በዚህ አጋጣሚ፣ የኢትዮጵያ ሥነ መለኮት ተቋማት ማኅበር የጀመረው ጥረት ሊበረታታና ተጠናክሮ ሊቀጥል የሚገባው እንደ ሆነ ሳንጠቁም አናልፍም፡፡

በሌላ በኩል የሥነ መለኮት ተማሪዎች በፍጹም ጥንቃቄና ኀላፊነት ስሜት ሊማሩ ይገባቸዋል፤ ሲሚዎቻቸውን ወደ ትክክለኛው የሕይወት ጎዳና ለመምራት ትልቅ ዐደራ የተጣለባቸው ናቸውና፡፡ የሚሰማሩበት መስክ የሰው ሕይወት ነው፤ የሚያገለግሉት የክርስቶስን ቤተ ክርስቲያን ነው፡፡ ስለሆነም ተጠያቂነቱ በሰውም በአምላክም ፊት መሆኑ አይቀረም፡፡ ተማሪዎች ለምን እንደሚማሩና እንዴት መማር እንዳለባቸው የማወቅ ትልቅ ኀላፊነት አለባቸው፡፡

በቤተ እምነት የሚተዳደሩ የሥነ መለኮት ተቋማት ለትምህርት ጥራት፣ ለተቋማዊነትና ለዐውዳዊነት ትልቅ ስፍራ ሊሰጡ ይገባቸዋል፡፡ ትምህርት ቤቶቹ የሚያስተምሯቸው ተማሪዎች የቤተ እምነቱን ከዚያም ሲያልፍ የአማኝ ማኅበረ ሰቡንና የአገርን ጥያቄ በአቅማቸው የሚመልሱ መሆናቸውን ሁሌም ማረጋገጥ አስፈላጊ ነው፡፡ የሥነ መለኮት ተቋማቱን እንደ ዋና የቤተ ክርስቲያን አገልግሎት አካል መቁጠርና አስፈላጊውን ድጋፍ ማድረግ የቤተ እምነቶቹ ኀላፊነት ነው ብለን እናምናለን፡፡

በእንጭጭ ደረጃ ላይ ያለው የሥነ መለኮት ትምህርት ሥር ሰድዶ የበለጠ እንዲያብብ የሚመለከታቸው ሁሉ ኀላፊነታቸውን ሊወጡ ይገባል፡፡

የሥነ መለኮት ጥናት በኢትዮጵያ ወንጌላውያን አብያተ ክርስቲያን አጭር ዕድሜ ያለው ነው፡፡ የዕድሜው ዕጥረት ከወንጌላውያን ክርስትና አጀማመር ጋር የራሱ ቁርኝት አለው፡፡ የአብያተ ክርስቲያናቱ የቆይታ ዘመን በአንጻራዊነት ከታየ አጭር የሚባል ነውና፡፡ ከቅርብ ጊዜ ወዲህ ግን በርካታ ቤተ ክርስቲያናት፣ አጋር ቤተ ክርስቲያናትና ግለ ሰቦች የመጽሐፍ ቅዱስ ት/ቤቶችን መክፈት ጀምረዋል፡፡ በመሠረቱ ይህን መሰሉ ጥረት ሊበረታታ ይገባል እንላለን፡፡ ይሁን እንጂ ጥረቱን ማበረታታት እንዳለ ሆኖ ቅድሚያ ትኩረት ሊሰጣቸው የሚገባቸው ጉዳዮች አሉ፡፡ እነዚህ ጉዳዮች በዋናነት ከትምህርት ጥራት ጋር የተገናኙ ናቸው፡፡

ሰዎች ከመቼውም ጊዜ በላይ ሥነ መለኮትን መማር የሚፈልጉበት ጊዜ ላይ ናቸው፤ ለዚህም የተለያዩ ምክንያቶች ሊኖሩ ይችላሉ፡፡ የሰዎች የተለያዩ ምክንያቶች ግን በትምህርት ጥራቱ ላይ አሉታዊ ተጽእኖ እንዳያመጣ መጨነቅ ያስፈልጋል፡፡ አንዳንዶች፣ ቤተ ክርስቲያናት ለአገልግሎት “እርከን” ዕድገትም ይሁን አገልጋዮችን ተቀብሎ ለማሰማራት የሥነ መለኮት ምሩቃን የሆኑትን የሚፈልጉበት ጊዜ ከመሆኑ የተነሣ፣ “ወረቀት” (ዲግሪ) ፍለጋ ይመጣሉ፡፡ እነዚህ ሰዎች ብዙ ጊዜ የትምህርት ጥራቱ አያሳስባቸውም፤ እንደውም ትምህርቱ እንዲከብድና ጥራቱ እንዲጠበቅ የማይፈልጉበት ጊዜ ይበዛል፡፡ ታዲያ ት/ቤቶች ገበያውን በማሰብ ብቻ “ዲግሪ መቸብቸብ” ሥራቸውን ካደረጉ ­ለመሰል ግለ ሰቦች ጊዜያዊ ፍላጎት መንበርከክ ግድ ይላቸዋል፡፡

በተመሳሳይም ት/ቤቶቹም ጊዜያዊ ጥቅምን በማሰብ ብቻ ከተቋቋሙ ወይም የግባቸው መዳረሻ ገንዘብ ማግኘት ከሆነ ችግሩ የጎላና የገዘፈ ይሆናል፡፡ ከአቅማቸው በላይ በሆነ ሁኔታ ተማሪዎችን ለከፍተኛ ደረጃ ትምህርት ሲያጩ የሙያ ሥነ ምግባርም ሆነ የኅሊና ወቀሳ የማይሰማቸው አሉ፡፡ ለድኅረ ምረቃ ይቅርና ለሠርተፊኬትና ለዲፕሎም መርኀ ግብሮች በቂ ተቋማዊ ዝግጅቱና አቅሙ የሌላቸው “ት/ቤቶች” በዶክትሬት ማዕረግ እንደሚያስመርቁ ያስታውቃሉ፡፡ የትምህርት ጥራቱን ማረጋገጥ ከማይቻል የውጪ ተቋም ጋር አብረው እንደሚሠሩ፣ ዲግሪውም ከውጪ እንደሚመጣ በመንገር የተማሪዎችን ልብ ያማልላሉ፡፡ በመርሕ ደረጃ ማንኛውም ትምህርት ከንግድ ያለፈ ዓላማ አለው፤ የሃይምኖት ትምህርት ሲሆን ደግሞ ኀላፊነቱ በዚያው መጠን ከፍ ይላል፡፡ ስለሆነም እንዲህ ያሉ ት/ቤቶች ቁጥጥር ሊደረግባቸው የሚችልበት አሠራር መዝርጋት አስፈላጊ ነው፡፡ በዚህ አጋጣሚ፣ የኢትዮጵያ ሥነ መለኮት ተቋማት ማኅበር የጀመረው ጥረት ሊበረታታና ተጠናክሮ ሊቀጥል የሚገባው እንደ ሆነ ሳንጠቁም አናልፍም፡፡

በሌላ በኩል የሥነ መለኮት ተማሪዎች በፍጹም ጥንቃቄና ኀላፊነት ስሜት ሊማሩ ይገባቸዋል፤ ሲሚዎቻቸውን ወደ ትክክለኛው የሕይወት ጎዳና ለመምራት ትልቅ ዐደራ የተጣለባቸው ናቸውና፡፡ የሚሰማሩበት መስክ የሰው ሕይወት ነው፤ የሚያገለግሉት የክርስቶስን ቤተ ክርስቲያን ነው፡፡ ስለሆነም ተጠያቂነቱ በሰውም በአምላክም ፊት መሆኑ አይቀረም፡፡ ተማሪዎች ለምን እንደሚማሩና እንዴት መማር እንዳለባቸው የማወቅ ትልቅ ኀላፊነት አለባቸው፡፡

በቤተ እምነት የሚተዳደሩ የሥነ መለኮት ተቋማት ለትምህርት ጥራት፣ ለተቋማዊነትና ለዐውዳዊነት ትልቅ ስፍራ ሊሰጡ ይገባቸዋል፡፡ ትምህርት ቤቶቹ የሚያስተምሯቸው ተማሪዎች የቤተ እምነቱን ከዚያም ሲያልፍ የአማኝ ማኅበረ ሰቡንና የአገርን ጥያቄ በአቅማቸው የሚመልሱ መሆናቸውን ሁሌም ማረጋገጥ አስፈላጊ ነው፡፡ የሥነ መለኮት ተቋማቱን እንደ ዋና የቤተ ክርስቲያን አገልግሎት አካል መቁጠርና አስፈላጊውን ድጋፍ ማድረግ የቤተ እምነቶቹ ኀላፊነት ነው ብለን እናምናለን፡፡

በእንጭጭ ደረጃ ላይ ያለው የሥነ መለኮት ትምህርት ሥር ሰድዶ የበለጠ እንዲያብብ የሚመለከታቸው ሁሉ ኀላፊነታቸውን ሊወጡ ይገባል፡፡

Hintset

ቤተ ክርስቲያንና የገንዘብ አስተዳደር

ለስምንት አመታት የወጣቶች ፓስተር በመሆን ሲያገለግል የቆየው የ42 አመቱ ፓስተር ኑዛዜ አስደንጋጭ ነበር፡፡ መጋቢው በቤተክርስቲያኒቱ አመታዊ ስብሰባ ላይ በጉባኤ ፊት ቆሞ “በእግዚአብሔር፣ በባለቤቴ፣ በልጆቼ፣ በቤተሰቦቼና የክርስቶ አካል በሆነችው ኮሎራዶ የምትገኘው የኢውዛ ባይብል ቸርች ፊት ኃጢአትን አድርጌያለሁ” በማለት ተናገረ፡፡ ላለፉት ስድስት አመታት ከቤተክርሰቲያኒቱ የመባ መሰብሰቢያ እቃ ውስጥና እርሱ ከሚመራው አገልግሎት ከወጣቶች አካውንት ወደ 42,000 ዶላር የሚጠጋ ገንዘብን በስድስት አመት ጊዜ ውስጥ በመውሰድ ለራሱ ጥቅም ያውል አንደነበርና ይህንን ወንጀሉን ከሚስቱም ሰውሮ ያደርግ አንደነበር በመግለጽ እራሱን በቤተክርሰቲያኒቱ መሪዎች አና በአገሪቱ ህግ ተጠያቂ ለማድርግ አንደወሰነ ተናገረ፡፡ በዚህም ምክንያት በማጭበርበርና በስርቆት ተከሶ ፍርድ ቤት ቀረበ፡፡

ተጨማሪ ያንብቡ

ቴክኖሎጂ እና ክርስትና

ስለ ቴክኖሎጂ ሲነሣ በአብዛኛው ወደ ሰው አእምሮ አስቀድሞ የሚከሰተው የቴክኖሎጂ ፈጠራ ኮምፒውተር፣ ገመድ አልባ (ተንቀሳቃሽ) ስልክ ወይም በይነ መረብ (Internet) ነው፡፡ ነገር ግን የቴክኖሎጂ ፈጠራ ዘርፍ ብዙ ሲሆን፣ ለምሳሌ አውቶሞቢል፣ ባቡር፣ አውሮፕላን፣ ራዲዮ፣ ቴሌቭዥን፣ መገናኛ አውታሮች፣ ኅትመት እና ሌሎችም… ናቸው፡፡ ዛሬ የምንነጋገርበት ጉዳይ የቴክኖሎጂ ፈጠራዎች በክርስትና ላይ ያሳረፉትን እና እያሳረፉ ያሉትን በጎ ተጽዕኖ ነው፡፡

ተጨማሪ ያንብቡ

Add comment

Your email address will not be published. Required fields are marked *

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.