Latest News

የኢትዮጵያ ሥነ መለኮት ድኅረ ምረቃ ት/ቤት (ኤግስት) በተለያዩ የትምህርት ዘርፎች ያሠለጠናቸውን 59 ተማሪዎቹን ቅዳሜ ሐምሌ 23 ቀን፥ 2014 ዓ.ም. በትምህርት ቤቱ መሰብሰቢያ አዳራሽ አስመርቀ።

የሚኒስትሮች ምክር ቤት፣ ዛሬ ሚያዚያ 29 ቀን፥ 2012 ዓ.ም. ባካሄደው አስቸኳይ ስብሰባ የኢትዮጵያ ወንጌል አማኞች አብያተ ክርስቲያናት ካውንስል ሕጋዊ ሰውነት እንዲያገኝ የቀረበለትን ረቂቅ ዐዋጅ ማጽደቁ ተነገር።

ከትላንት በስቲያ በምእራብ ወለጋ ገንጂ በተባለች ከተማ አገልጋዮች መገደላቸው ተነገረ። በአጠቃላይ የተገደሉት ሰዎች ቁጥር ሦስት ሲሆን፣ አባትና ልጅ ይገኙበታል ተብሏል።

የኮቪድ – 19 ስርጭትን ለመግታት በሚደረገው የሥራና የእንቅስቃሴ ገደብ ምክንያት፣ የከፋ ጉዳት ሊደርስባቸው ይችላሉ ተብለው ለሚታሰቡ የኅብረተ ሰብ ክፍሎች ለአንድ ወር ቀለብ የሚሆን ድጋፍ ለማሰባሰብ የሚያስችል ቅስቀሳ ተጀመረ።

“የኢትዮጵያ ወንጌል አማኞች አብያተ ክርስቲያናት ካውንስል” ዛሬ ቅዳሜ መጋቢት 5 ቀን፥ 2012 ዓ.ም. የመሥራች ጉባኤውን አካሂዷል፤ ዋና እና ምክትል ፕሬዚዳንቱንም መርጧል። በጉባኤው ላይ ሁለት ሺህ ሦስት መቶ የሚያህሉ ከቤተ እምነት እና አብያተ ክርስቲያናት ኅብረቶች የተውጣጡ ተወካዮችና ሁለት መቶ ታዛቢዎች በተገኙበት ነው ምሥረታው ይፋ የሆነው።

ሰሞኑን በኢትዮጵያ ሙሉ ወንጌል አማኞች ቤተ ክርስቲያን ላይ ጥቃት እንደ ደረሰ የቤተ ክርስቲያኒቱ ፕሬዚዳንት ገለጹ። ትላንት በሰሜን ሸዋ፣ ከደብረ ብርሃን ከተማ ሰባ ኪሎ ሜትር ላይ ርቆ በሚገኘውና እነዋሪ በተሰኘው አካባቢ በምትገኘው የሙሉ ወንጌል ቤተ ክርስቲያን ላይ ጉዳት መድረሱን ተከትሎ ነው ተደጋጋሚ ጥቃት እየደረሰ እንዳለ ለሕንጸት የተናገሩት።

የኢትዮጵያ ወንጌላውያን አብያተ ክርስቲያናትን በጋራ ጉዳዮቻቸው ላይ ያሰባስባቸዋል የተባለለት ተቋም እንዲመሠረት ከስምምነት ላይ ተደረሰ። ዛሬ የካቲት 21 ቀን፥ 2012 ዓ.ም. ቁጥራቸው አራት መቶ የሚደርሱ የቤተ እምነትና የአብያተ ክርስቲያናት ኅብረት መሪዎች በተገኙበት ነው ከስምምነት ላይ የተደረሰው። ተቋሙ ከሁለት ሳምንታት በኋላ በይፋ የመሥራች ጉባኤውን ሊያካሂድ እንደሚችል ይጠበቃል።

በተገኝ ሙሉጌታ የተጻፈውና “የእግዚአብሔር ክርስቶስ?” የተሰኘው መጽሐፍ ባለፈው ቅዳሜ ጥቅምት 15 ቀን፥ 2012 ዓ.ም. በኢትዮጵያ ሥነ መለኮት ድኅረ ምረቃ ት/ቤት መሰብሰቢያ አዳራሽ ጥሪ የተደረገላቸው እንግዶች በተገኙበት ተመረቀ።

ሕንጸት ክርስቲያናዊ ማኅበር፣ ጠ/ሚ ዐቢይ አህመድ የኖቤል የሰላም ሽልማት አሸናፊ በመሆናቸው የተሰማውን ታላቅ ደስታ እየገለጸ፣ ዶ/ር ዐቢይ የጀመሩት የሰላምና የእርቅ መንገድ ፍሬ አፍርቶ፣ ዜጎች ሁሉ በእኩልነትና በሰላም የሚኖሩባት ኢትዮጵያ እንድትገነባ ይመኛል።

“አካላዊ አስተሳሰብ” በሚል ርእስ የተጻፈው የአቢይ ታደለ (ኪያ) መጽሐፍ መስከረም 25 ቀን፥ 2012 ዓ.ም. በሐርመኒ ሆቴል ተመረቀ።

ዕውቁ የሥነ አእምሮ ሐኪምና ተመራማሪ የሆኑት ፕሮፌሰር አታላይ ዓለም ከሀርቫርድ ዩኒቨርሲቲ ስኩል ኦፍ ፐብሊክ ሄልዝ በ “Psychiatric Epidemiology and Biostatistics” የተሰጣቸውን ሽልማት ጳጉሜ 5 ቀን፥ 2011 ዓ.ም. በዩኒቨርሲቲው በተዘጋጀው ሥነ ሥርዐት ላይ በመገኘት ተቀብለዋል። ዩኒቨርሲቲው ሽልማቱን ያበረከተው ፕሮፌሰሩ በሥነ አእምሮ ሕክምና ዘርፍ ለአገሪቱ ባበረከቱት የላቀ አስተዋጽኦ እንደ ሆነ ተነግሯል።

የኢፌዴሪ ጠቅላይ ሚኒስቴር ዐቢይ አሕመድ ሰኔ 13 ቀን፥ 2011 ዓ.ም. ቁጥራቸው አራት መቶ ለሚጠጋ የወንጌላውያን (ፕሮቴስታንት) አማኞች አብያተ ክርስቲያናት መሪዎችና አገልጋዮች በጽሕፈት ቤታቸው ጠርተው ያደረጉትን ስብሰባ ተከትሎ፣ አብያተ ክርስቲያናቱን በአንድ ጥላ ሥር ለማሰባሰብ የሚያስችል ምክረ ሐሳብ የሚያቀርብ ዐሥራ አምስት አባላት ያሉት ኮሚቴ መዋቀሩ ይታወሳል። ይኸው ኮሚቴ ዛሬ ጷጉሜ 5 ቀን፥ 2011 ዓ.ም. ረፋዱ ላይ ለጋዜጠኞች መግለጫ ሰጥቷል። መግለጫው ባለፉት ወራት ኮሚቴው ሠርቻቸዋለሁ ያላቸውን ሥራዎች ለአማኝ ማኅበረ ሰቡ ለማሳወቅ በሚል የተሰጠ እንደ ሆነ ተጠቁሟል።