[the_ad_group id=”107″]

September 4, 2018

ዓመታዊው የኪነ ጥበብ ዝግጅት ተካሄደ

ዓመታዊው የኪነ ጥበብ ዝግጅት ተካሄደ

ሕንጸት ክርስቲያናዊ ማኅበር በየዓመቱ የሚያዘጋጀው “ልዩ የኪነ ጥበብ” ዝግጅት እሑድ ነሐሴ 27 ቀን፣ 2010 ዓ.ም. በኢንተርናሽናል ኢቫንጄሊካል ቸርች ተካሄደ። በዝግጅቱ ላይ ወጣት እና አንጋፋ የሥነ ጽሑፍ ሰዎች ሥራዎቻቸውን አቅርበዋል። በዓመቱ ውስጥ ለኅትመት ከቀረቡት መጻሕፍት መካከልም ለሦስቱ ዕውቅና ተሰጥቷል።

ለአራተኛ ጊዜ በተካሄደው በዚህ ዝግጅት ላይ ግጥሞች፣ የወግ ጽሑፎች፣ ግጥም ከጃዝ ሙዚቃ ጋር እንዲሁም “የጥበብ ቃል” (ዲስኩር) ቀርቧል።

ከጥበብ ሥራዎቹ በተጨማሪ፣ በዓመቱ ውስጥ ማለትም፣ ከሐምሌ 2009 እስከ ሰኔ 2010 ዓ.ም. ለኅትመት ከቀረቡ መጻሕፍት መካከል ለሦስቱ የዕውቅና ሽልማት በሕንጸት ክርስቲያናዊ ማኅበር ተሰጥቷል። ጸሐፍትን ያበረታታል በተባለው በዚህ ሥነ ሥርዐት ላይ ለሽልማት የበቁት መጻሕፍት ያለ ደረጃ ልዩነት የተመረጡ ናቸው።

በዚሁ መሠረትም፣ “የመጽሐፍ ቅዱስ ታሪካዊ አመጣጥ፦ የብሉይ ኪዳን አዋልድ መጻሕፍት ከቀኖናው ውጪ የሆኑበት ምክንያት (ቅጽ 1)” እና “የመጽሐፍ ቅዱስ ታሪካዊ አመጣጥ፦ የቅዱሳት መጻሕፍት ትርጉም እና ትርጓሜ (ቅጽ 2)” በተሰኙት ሥራዎቹ መምህር ያሬድ ሽፈራው፣ “ሰሊሆም፦ ልጆቹ! መልእክተኞቹ!” በተሰኘው ሥራው መርዓዊሥላሴ ንጉሤ እና “ኦደሲ፦ በዲፕሬሽን ሸለቆ ውስጥ ረጅሙ ጉዞ” በተሰኘው መጽሐፉ ኀይል ከበደ ናቸው።

ከሦስቱ ጸሐፊዎቹ መካከል ሁለት በስፍራው ተገኝተው የተበረከተላቸውን ሽልማት የወሰዱ ሲሆን፣ ጸሐፊ ኀይል ከበደ በተወካያቸው በኩል ሽልማታቸውን ወስደዋል።

Latest News

ለችግረኛ ቤተ ሰቦች የሚሆን የአንድ ወር ቀለብ ሰፈራ ሊደረግ ነው

የኮቪድ – 19 ስርጭትን ለመግታት በሚደረገው የሥራና የእንቅስቃሴ ገደብ ምክንያት፣ የከፋ ጉዳት ሊደርስባቸው ይችላሉ ተብለው ለሚታሰቡ የኅብረተ ሰብ ክፍሎች ለአንድ ወር ቀለብ የሚሆን ድጋፍ ለማሰባሰብ የሚያስችል ቅስቀሳ ተጀመረ።

Read More »
SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.