[the_ad_group id=”107″]

March 11, 2020

“ቤተ ክርስቲያናችን ላይ ተደጋጋሚ ጥቃት እየደረሰባት ነው” – መጋቢ ይልማ ዋቄ

“ቤተ ክርስቲያናችን ላይ ተደጋጋሚ ጥቃት እየደረሰባት ነው” - መጋቢ ይልማ ዋቄ

ሰሞኑን በኢትዮጵያ ሙሉ ወንጌል አማኞች ቤተ ክርስቲያን ላይ ጥቃት እንደ ደረሰ የቤተ ክርስቲያኒቱ ፕሬዚዳንት ገለጹ። ትላንት በሰሜን ሸዋ፣ ከደብረ ብርሃን ከተማ ሰባ ኪሎ ሜትር ላይ ርቆ በሚገኘውና እነዋሪ በተሰኘው አካባቢ በምትገኘው የሙሉ ወንጌል ቤተ ክርስቲያን ላይ ጉዳት መድረሱን ተከትሎ ነው ተደጋጋሚ ጥቃት እየደረሰ እንዳለ ለሕንጸት የተናገሩት።

“ትላንት ጥቃት የደረሰባትና ምእመናን በከፍተኛ ጭንቅ ውስጥ የሚገኙባት ቤተ ክርስቲያን ከሠላሳ ዓመታት በላይ በአካባቢው የነበረች ናት” ያሉት የቤተ ክርስቲያኒቱ ፕሬዚዳንት መጋቢ ይልማ ሙሉጌታ፣ አክራሪዎች ምእመናን በመደብደብና ንብረት በማውደም ከፍተኛ ጉዳት እንዳደረሱ አብራርተዋል።

አያይዘውም በጉራጌ ዞን፣ ኮኪል ገዳባኖ ጉታ ዘር ወረዳ፣ መሃል አምባ ከተማ ከሃያ አምስት ዓመት በላይ የቆየች የሙሉ ወንጌል ቤተ ክርስቲያን የካቲት 25 እና 26 ቀን፥ 2012 ዓ.ም. ጥቃት እንደ ደረሰና ግምቱ ከአንድ ሚሊዮን ብር በላይ የሚሆን የንብረት ጥፋት እንደተፈጸመ ገልጸዋል። ይህንኑ ተከትሎ ከአርባ የሚበልጡ ምእመናን ከቤት ንብረታቸው ተፈናቅለው በአጎራባች ክልል በሰገል ሶዶ ወረዳ፣ ሀርዱ ጩልሌ ከተማ ተጠልለው እንዳሉ መጋቢ ይልማ ለሕንጸት የገለጹት።

ከጥቃቱ በኋላ ሰባት ምእመናን በእስራት ላይ እንደነበሩ፣ ከእነዚህም መካከል ስድስቱ ከአንድ ቀን በፊት መለቀቃቸውንና አንድ ግለ ሰብ አሁንም በእስር ላይ እንዳለ መረጃ እንደደረሳቸው ተናግረዋል። “በሁለቱም ስፍራዎች የደረሱት ጥቃቶች በአካባቢው ባሉ የሃይማኖት አክራሪዎች የደረሱ ናቸው” የሚሉት መጋቢ ይልማ፣ “ከእኛ እምነት ውጪ ሌላ አይምጣብን” እንደ ሆነ ገልጸዋል። ቤተ እምነታቸውም የሚመለከተው የመንግሥት አካል እንዲያውቀው ጥረት እያደረገች መሆኗንም ነው ለሕንጸት ጨምረው የተናገሩት።

በትላንቱ የሰሜን ሸዋው ጥቃት በስፍራው የነበሩ የሕንጸት ምንጮች እንደገለጹት ጥቃቱ ከምሽቱ 11 ጀምሮ እስከ ሌሊቱ 5 ሰዓት ድረስ ያልተቋረጠ እንደ ነበር። የአካባቢው ፖሊስ ከፍተኛ ድብደባ የደረሰባቸውንም ሆነ የወደመውን ንብረት ለማስቆም አለመቻሉን የገለጹልን ምንጮች፣ በልዩ ኀይል ታጅበው ከስፍራው የወጡት ከምሽቱ 5 ሰዓት ላይ እንደ ነበር ተናግረዋል።

የሰሜን ሸዋው ጥቃት ሲደርስ የሚያሳይ ቪዲዮ ሕንጸት ደርሶታል። ቪዲዮውን ይመልከቱ፦

Latest News

ለችግረኛ ቤተ ሰቦች የሚሆን የአንድ ወር ቀለብ ሰፈራ ሊደረግ ነው

የኮቪድ – 19 ስርጭትን ለመግታት በሚደረገው የሥራና የእንቅስቃሴ ገደብ ምክንያት፣ የከፋ ጉዳት ሊደርስባቸው ይችላሉ ተብለው ለሚታሰቡ የኅብረተ ሰብ ክፍሎች ለአንድ ወር ቀለብ የሚሆን ድጋፍ ለማሰባሰብ የሚያስችል ቅስቀሳ ተጀመረ።

Read More »
SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.