[the_ad_group id=”107″]

“ደቂቀ እስጢፋኖስ፡- በሕግ አምላክ” ለውይይት ቀረበ

March 15, 2016
“ደቂቀ እስጢፋኖስ፡- በሕግ አምላክ” ለውይይት ቀረበ

“ደቂቀ እስጢፋኖስ፡- በሕግ አምላክ” የተሰኘውና በጌታቸው ኀይሌ (ፕሮፌሰር) ከግዕዝ ወደ አማርኛ የተመለሰው መጽሐፍ፣ ባለፈው እሑድ መጋቢት 4 ቀን፣ 2006 ዓ.ም. በሕንጸት የመጽሐፍ ክበብ ባዘጋጀው ወርኀዊ መርሓ ግብር ላይ ውይይት ተካሄደበት፡፡

በኢትዮጵያ ሥነ መለኮት ድኅረ ምረቃ ትምህርት ቤት መሰብሰቢያ አዳራሽ በተካሄደው ግምገማ ላይ ለውይይት መነሻ ሐሳብ ያቀረቡት አፈወርቅ ኀይሉ (ዶ/ር) እና አቶ ነቢዩ ዓለሙ ናቸው፡፡ የአቶ ነቢዩ ወረቀት ትኩረት ያደረገው በጥንት መዛግብት ጥናት (Philology) ላይ መሠረት አድርጎ፣ ስለ “ገድል” ጽሑፎች (Hagiography) ምንነትና ባሕርያት ግንዛቤ ካስጨበጠ በኋላ፣ “ደቂቀ እስጢፋኖስ” የተሰኘውን ጥንታዊ ገድል ተርጓሚው ያቀረቡበትን መንገድ አስቃኝቷል፡፡

የመጽሐፉን ታሪካዊና ሃይማኖታዊ ፋይዳ ላይ ትኩረት ያደረገው ዶ/ር አፈወርቅ በበኩሉ፣ መጽሐፉ የሚተርክላቸው የአባ እስጢፋኖስ እና የተከታዮቻቸው ገድል በራሱ ልዩ ሃይማኖታዊ እና ታሪካዊ ፋይዳ ያለው ከመሆኑ ባሻገር፣ የወንጌላውያን አማኞችም ሆኑ ተሐድሷውያን ከሚያዩበት ዕይታ ውጪ ናቸው ያሏቸውን ሙግቶች አቅርበዋል፡፡ በተለይም መጽሐፉ፣ በራሱ ዐውድና ታሪካዊ ኹነት ብቻ ሊታይ ይገባዋል ሲሉም ሞግተዋል፡፡

ተርጓሚው ፕሮፌሰር ጌታቸው ኀይሌ በሥፍራው ባልተገኙበት በተካሄደው በዚህ መርሓ ግብር ላይ፣ ለሁለቱም የውይይት ጽሑፍ አቅራቢዎች ጥያቄዎችና አስተያየቶች ከታዳሚያን የቀረቡ ሲሆን፣ በተለይ ዶ/ር አፈወርቅ ባነሡት ያልተለመደ ሐሳብ ላይ ሰፊ ውይይት ተካሄዶበታል፡፡

በመጪው ሚያዚያ 2 ቀን፣ 2008 ዓ.ም. ለውይይት የሚቀርበው መጽሐፍ በእንዳልካቸው ሐዋዝ የተጻፈውና “አምልኮና ሀልዎተ እግዚአብሔር” የተሰኘው መጽሐፍ እንደ ሆነ በዕለቱ ተገጿል፡፡

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.