[the_ad_group id=”107″]

ትንቢት እና የነቢያት አገልግሎት ላይ ትኩረት ያደረገ መጽሐፍ ለንባብ ቀረበ

April 1, 2019
ትንቢት እና የነቢያት አገልግሎት ላይ ትኩረት ያደረገ መጽሐፍ ለንባብ ቀረበ

በእንዳሻው ነጋሽ የተጻፈውና “ትንቢት እና ነቢያት” የተሰኘው መጽሐፍ እሑድ መጋቢት 22 ቀን፥ 2011 ዓ.ም. በኢንተርናሽናል ኢቫንጄሊካል ቸርች በተካሄደ የምረቃ ሥነ ሥርዐት በርካታ ሰዎች በተገኙበት ለንባብ ቀረበ።

በትንቢት እና በነቢያት አገልግሎት ላይ ትኩረት ያደረገው ይህ መጽሐፍ፣ በርእሰ ጉዳዩ ላይ ሰፊ ትንተና እንደ ሰጠ መጽሐፉን በቅድሚያ ያነበቡ ሰዎች አስተያየታቸውን ሰጥተዋል። በተለይም መጽሐፍ ቅዱሳዊ የሆነ ትንተና በመስጠትና በኢትዮጵያ ወንጌላውያን አብያተ ክርስቲያናት መካከል ላሉ ተጨባጭ ችግሮች ምላሽ ለመስጠት መጽሐፉ ጥረት ማድረጉ ተነግሮለታል።

የመጽሐፉ ጸሐፉ እንደሻው ነጋሽ በምረቃው ሥነ ሥርዐቱ ላይ ባደረገው ንግግር፣ የትንቢት አገልግሎት በኢትዮጵያ ቤተ ክርስቲያን ያበረከተው በጎ አስተዋጽኦ ጉልሕ መሆኑን አውስቷል። ይሁን እንጂ ከቅርብ ጊዜ ወዲህ የትንቢት አገልግሎትና የነቢያት ቁጥር እየበዛ መምጣቱና ከዚሁ ጋር ተያይዞ የስሕተት አሠራር መበራከቱ፣ በቤተ ክርስቲያን ላይ እያሳደረ ያለው ጉዳት ከፍተኛ እንደ ሆነ አብራርቷል። መጽሐፉም ይህንን ክፍተት ለመሙላት የበኩሉን አስተዋጽኦ እንዲያበረክት በሚል ያዘጋጀው እንደሆነ ነው እንዳሻው የጠቆመው።

እንዳሻው ነጋሽ፣ ከዚህ ቀደም “ጤናማ ትምህርት፣ ጤናማ ኑሮ (የሐዋርያው ጳውሎስ መልእክት ወደ ቲቶ)” እና “የኪዳን ታሪክ (የብሉይ ኪዳን መጻሕፍት ዋና ዋና ጭብጦች)” የተሰኙ ሁለት መጻሕፍት ለንባብ ማቅረቡ ይታወሳል።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.