[the_ad_group id=”107″]

ወንጌላውያን በዜጎች ላይ ለደረሰው ጥቃት የተሰማቸውን ሐዘን ገለጹ

November 18, 2018
ወንጌላውያን በዜጎች ላይ ለደረሰው ጥቃት የተሰማቸውን ሐዘን ገለጹ

የኢትዮጵያ ወንጌላውያን አብያተ ክርስቲያናት ኅብረት በአዲስ አበባ ዙሪያ፣ በኦሮምያ ልዩ ዞኖች ዘርን፣ ሃይማኖትንና ፖለቲካዊ አመለካከትን መነሻ በማድረግ፣ በዜጎች ላይ በደረሰው ጥቃት የተሰማውን ጥልቅ ሐዘን ገለጸ። የተደረገውንም ጥቃት በጽኑ እንደሚቃወምና እንደሚያወግዝ ዛሬ ለሕንጸት በላከው መግለጫው አስታውቋል።

መስከረም 5 እና 6 ቀን፣ 2011 ዓ.ም. በኦሮምያ ልዩ ዞን በሆኑት ቡራዩ፣ ከታ፣ አሸዋ ሜዳ፣ አንፎና በአካባቢው ኢ-ሰብዓዊ በሆነ ድርጊት ክቡር ሕይወታቸውን ላጡ፣ የአካል ጉዳት ለደረሰባቸው፣ ንብረታቸው ለወደመባቸውና ከመኖሪያ ቀዬኣቸው ለተፈናቀሉ ወገኖች የሐዘን መግለጫውን ያሰማው ኅብረቱ፣ ድርጊቱን “አስነዋሪና አሳፋሪ” ሲል ገልጾታል።

Thousands of protestors from the capital and those displaced by ethnic-based violence over the weekend in Burayu, demonstrate to demand justice from the government in Addis Ababa, Ethiopia Monday, Sept. 17, 2018. Several thousand Ethiopians have gone out onto the streets of the capital to protest ethnic-based attacks in the outskirts of the city in which more than 20 people died over the weekend. (AP Photo/Mulugeta Ayene)

“ለዘመናት ተዋድዶና ተከባብሮ የኖረውን ሕዝብ ለማጋጨት የሚደረግ እኩይ ተግባር” ነው ያለው የኅብረቱ መግለጫ፣ ድርጊቱን በጽኑ ከማወገዙም በላይ፣ መንግሥት ጥፋቱን የፈጸሙትን አካላት በመከታተል ለሕግ ሊያቀርብ እንደሚገባ አሳስቧል።

የፖለቲካ ድርጅቶች፣ ዜጎች እርስ በእርስ እንዲከባበሩና አንዱ የሌላውን መብት በመጠበቅ የቀደመ ማኅበራዊ ዕሴቶቻቸውን ማስቀጠል እንዲችሉ በማስተማርና በመምከር ኀላፊነታቸውን ሊወጡ ይገባል ያለው የኅብረቱ መግለጫ፣ የሃይማኖት ተቋማትና የአገር ሽማግሌዎች ተመሳሳይ ችግር እንዳይፈጠር ጥረታቸውን አጥብቀው እንዲቀጥሉ አሳስቧል።

የፎቶ ምንጭ : AP / ሙሉጌታ አየነ

ጥቃቱን ተከትሎ ከቤት ንብረታቸው ለተፈናቀሉ ዜጎች ድጋፍ ለማድረግ የኢትዮጵያ ወንጌላውያን አብያተ ክርስቲያናት ኅብረት ከአባል ቤተ እምነቶች ጋር በመተባበር የበኩሉን እንደሚወጣም ቃል ገብቷል። የኅብረቱ ፕሬዚደንት መጋቢ ጻድቁ አብዶ በተለይ ለሕንጸት እንደተናገሩት፣ በጥቃት የተጎዱ ወገኖችን ለመጎብኘት ከሌሎች የሃይማኖት አባቶች ጋር በመሆን ወደ ስፍራው እንደሚሄዱና ጉዳት ለደረሰባቸው ወገኖች ድጋፍ ለማድረግ ጥረት እንደሚያደርጉ ገልጸዋል።

መረጃዎች እንደሚጠቁሙት ከሆነ እስከ አሁን ድረስ በጥቃቱ 23 ሰዎች ያህል የሞቱ ሲሆን፣ በዐሥር ሺህዎች የሚቆጠሩ ነዋሪዎች ከቤት ንብረታቸው ተፈናቅለዋል። ይህንን ተከትሎ፣ ትላንት በመዲናዪቱ አዲስ አበባ መንግሥት በሰላማዊ ዜጎች ላይ የሚደርሰውን ጥቃት እንዲከላከልና ወንጀለኞችን ለፍትሕ እንዲያቀርብ የሚጠይቅ ሰላማዊ ሰልፍ ተደርጓል።

Casualities

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.