[the_ad_group id=”107″]

በሃላባ በቤተ ክርስቲያናት ላይ የደረሰውን ጥቃት ተከትሎ የአብያተ ክርስቲያናት ምላሽ እየተጠበቀ ነው

February 10, 2019
በሃላባ በቤተ ክርስቲያናት ላይ የደረሰውን ጥቃት ተከትሎ የአብያተ ክርስቲያናት ምላሽ እየተጠበቀ ነው

በደቡብ ክልል፣ ሃላባ ቁሊቶ ከተማ ባሉ የወንጌላውያን ቤተ ክርስቲያናት ላይ ከዓርብ እስከ ቅዳሜ ድረስ በዘለቀ ጥቃት ጉዳት መድረሱ ተገልጿል። የእስልምና እምነት የሚያይልበት በዚህ አካባቢ በወንጌላውያን አማኞች ላይ ዛቻና ማስፈራሪያ ሲደረግ እንደቆየና የአብያተ ክርስቲያናት መሪዎች ይህንኑ ለዞኑና ለክልሉ ኀላፊዎች ቢያሳውቁም በቂ ምላሽ ባለማግኘታቸው ጥቃቱ መድረሱን ከአካባቢው የሚወጡ መረጃዎች ይጠቁማሉ።

ከቀናት በፊትም፣ በመሠረተ ክርስቶስ ቤተ ክርስቲያን ላይ ጥቃት ለማድረስ ተሞክሮ እንደ ነበር የሚገልጹት ምንጮች፣በምእመናን ጥረት ተነሥቶ የነበረውን እሣት ለመቆጣጠር ችለው ነበር።

“በዱራሜ አካባቢ መስጊዶች ላይ ጥቃት ድረሷል” የሚል የተሳሳተ መረጃ በማኅበራዊ ሚዲያው ላይ መነዛቱን ተከትሎ፣ ካለፈው ዓርብ ጀምሮ እስካ ቅዳሜ ድረስ የወንጌላውያን አብያተ ክርስቲያናት ሕንጻ ላይ ሙሉ ውድመት ደርሷል፤ ድርጊቱን ለማስቆም ጥረት ባደረጉ ግለ ሰቦች ላይም ድብደባ መፈጸሙ ተነግሯል።

ሕንጸት ባገኘው መረጃ መሠረት 4 የቃለ ሕይወት፣ 1 የመካነ ኢየሱስ፣ 1 የሙሉ ወንጌል እና 1 የአማኑኤል ኅብረት ቤተ ክርስቲያናት በድምሩ ሰባት ቤተ ክርስቲያናት ላይ ውድመት ደርሷል።

ይህ ዜና እስከወጣበት ጊዜ ድረስ የጉዳቱን መጠንና የድጋፍ ማሰባሰብ ሥራ በሚመለከት እየተደረገ ያለ እንቅስቃሴ ስለመኖሩና ስለተያያዥ ጉዳዮች፣ ከየትኞቹም ቤተ እምነት መሪዎች ይፋዊ መግለጫ አልተሰጠም።

ሕንጸት በሃላባ ባሉ ቤተ ክርስቲያናት ላይ የደረሰውን ጥቃት ያወግዛል።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.