[the_ad_group id=”107″]

May 5, 2018

ኢቫሱ ተማሪዎችን አስመረቀ

ኢቫሱ ተማሪዎችን አስመረቀ

የኢትዮጵያ ወንጌላውያን ተማሪዎችና ምሩቃን ማኅበር (ኢቫሱ) በ2009 ዓ.ም. በተለያዩ የትምህርት ተቋማት ትምህርታቸውን ላጠናቀቁ አባላቱ የምርቃ ሥነ ሥርዐት አደረገ፡፡ ሥነ ሥርዐቱ የተዘጋጀው ባለፈው እሑድ ሰኔ 25 ቀን፣ 2009 ዓ.ም. በአዲስ አበባ መሠረተ ክርስቶስ ምሥራቅ አጥቢያ ቤተ ክርስቲያን፣ የቤተ እምነትና የአጠቢያ ቤተ ክርስቲያን መሪዎችና ተጋባዥ እንግዶች በተገኙበት ነው፡፡

የማኅበሩ ዋና ጸሐፊ የሆነው አቶ ሮቤል ጨመዳ በዕለቱ ባደረገው ንግግር፣ ኢቫሱ የሚያስተባብራቸው ተማሪዎች ቁጥር አርባ አምስት ሺህ መድረሱንና እነዚህም ተማሪዎች በመላ አገሪቱ ባሉ ስምንት ክልሎች በ157 ካምፓሶች የሚገኙ መሆናቸውን ገልጿል፡፡ በ2009 ዓ.ም. በአገር አቀፍ ደረጃ የሚመረቁ አባል ተማሪዎች ቁጥር ስድስት ሺህ የደረሰ ሲሆን፣ በዕለቱ የምረቃ መርሓ ግብሩ ላይ የተገኙ ተመራቂዎች ስድስት መቶ መሆናቸውንና እነዚህም አጠቃላይ ተመራቂያንን በመወከል የተገኙ መሆናቸውን ዋና ጸሐፊው አስረድቷል፡፡

የምርቃ መርሓ ግብሩ አስፈላጊነትም፣ ኢቫሱ ያስተባብራቸው የነበሩ ተማሪዎችን መልሶ ለቤተ ክርስቲያን ለመስጠት፣ ተመራቂዎች አገራቸውንም ሆነ ቤተ ክርስቲያንን እንዲያገልግሉ ዐደራ ለመስጠትና ለማበረታት መሆኑን አቶ ሮቤል ጠቁሟል፡፡ የኢቫሱ የሥራ አመራር ቦርድ ሰብሳቢ የሆኑት አቶ ፈቀደ ተፈራ በበኩላቸው ለቤተ ክርስቲያን መሪዎች ባስተላለፉት መልእክት፣ “እነዚህ ተመራቂዎች የእናንተ ፍሬዎች ናቸው” ካሉ በኋላ፣ “በር ከፍታችሁ አስተምሯቸው፣ ተንከባከቧቸው፣ ከጸሎት ባሻገር ቅረቧቸው፣ መንገዱንም አሰዩአቸው” ብለዋል፡፡

በዕለቱ ንግግር ያደረጉት የኢትዮጵያ ወንጌላውያን አብያተ ክርስቲያናት ኅብረት ፕሬዚዳንት መጋቢ ጻድቁ አብዶ፣ ኢቫሱ በሚሠራው ሥራ እሳቸውም ሆነ የሚመሩት ጽ/ቤት ደስተኛ መሆናቸውን ገልጸዋል፡፡ አያይዘውም፣ የኢቫሱ ተመራቂዎች በኢትዮጵያ ወንጌላውያን አብያተ ክርስቲያናት ዕድገትና አጠቃላይ እንቅስቃሴ ላይ ጉልሕ ሚና እንደ ነበራቸው ታሪክን ጠቅሰው ተናግረዋል፡፡ በተመሳሳይም፣ በትምህርት ንፋስ ችግር ውስጥ ይገቡ የነበሩትም በመሰል ኅብረቶች ውስጥ የነበሩ ወገኖች መሆናቸውን በመጥቀስ፣ በመጽሐፍ ቅዱስ እንደተመለከተው ዳንኤልና ጓደኞቹ በወቅቱ በነበረው ሥርዐት ላለማርከስ እንደወሰኑ ሁሉ፣ “ዛሬም እናንተ ተመራቂዎች ይህች ዓለም በምታቀርብላችሁ ነገር ሁሉ እንዳትረክሱ እመክራችኋለሁ” ሲሉ አሳስበዋል፡፡

የኢትዮጵያ ወንጌላውያን ተማሪዎችና ምሩቃን ማኅበር በመጀመሪያ ዲግሪና በድኅረ ምረቃ መርሓ ግብር ትምህርታቸውን ተከታትለው ከፍተኛ ውጤት ላመጡ ምሩቃን የሜዳሊያና የዋንጫ ሽልማት ያበረከተ ሲሆን፣ ተመራቂዎች አገራቸውንና ቤተ ክርስቲያንን በታማኝነት ለማገልገል ቃል እንዲገቡም አድርጓል፡፡

Latest News

ለችግረኛ ቤተ ሰቦች የሚሆን የአንድ ወር ቀለብ ሰፈራ ሊደረግ ነው

የኮቪድ – 19 ስርጭትን ለመግታት በሚደረገው የሥራና የእንቅስቃሴ ገደብ ምክንያት፣ የከፋ ጉዳት ሊደርስባቸው ይችላሉ ተብለው ለሚታሰቡ የኅብረተ ሰብ ክፍሎች ለአንድ ወር ቀለብ የሚሆን ድጋፍ ለማሰባሰብ የሚያስችል ቅስቀሳ ተጀመረ።

Read More »
SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.