[the_ad_group id=”107″]

የግሬት ኮሚሽን አገልጋዮች በምእራብ ወለጋ ተገደሉ

April 9, 2020
d65085d854a39feae81a41eb458281c5_XL

ከትላንት በስቲያ በምእራብ ወለጋ ገንጂ በተባለች ከተማ አገልጋዮች መገደላቸው ተነገረ። በአጠቃላይ የተገደሉት ሰዎች ቁጥር ሦስት ሲሆን፣ አባትና ልጅ ይገኙበታል ተብሏል።

አቶ አሰፋ መኮንን የዐሥረኛ ክፍል ተማሪ ከሆነው ልጃቸው ሳሙኤል አሰፋ ጋር እና ምስጋኑ ጀመራ ከተባለ የግሬት ኮሚሽን አገልጋይ ጋር በአካባቢው ታጣቂዎች እንደተገደሉ የግሬት ኮሚሽን ዳይሬክተር የሆኑት አቶ ግርማ አልታዬ ለሕንጸት ተናግረዋል።

አቶ አሰፋ ለዐሥራ አንድ ዓመታት ያህል በነቀምት ሲያገለግሉ የቆዩ መሆናቸውን የጠቀሱት አቶ ግርማ፣ በአጠቃላይ በግሬት ኮሚሽን ለሃያ ዓመታት ያህል እንዳገለገሉ ገልጸዋል። ጥቃቱ በደረሰበት ዕለት፣ አቶ አሰፋ በቅርቡ ግሬት ኮሚሽንን የተቀላቀለውንና በሥልጠና ላይ የነበረውን ምስጋኑ ጀመራን ወደ መኖሪያው አካባቢ በመኪና ለማድረስ ልጃቸውን ይዘው ይጓዙ እንደ ነበረ ነው የተገለጸው።

ማቾቹ በብዙ ጥይት መድብደባቸውን የሚናገሩት አቶ ግርማ፣ የዞኑ አስተዳደር በአካባቢው ታጥቆ የሚንቀሳቀሰው ኀይል ጥቃቱን እንደፈጸም ማረጋገጡን ለሕንጸት ጠቁመዋል።

የምስጋኑ ጀመራ ቀብር ሥነ ሥርዐት ትላንት በገንጂ ከተማ የተፈጸመ ሲሆን፣ የአቶ አሰፋና የልጃቸው ሳሙኤል ቀብር ሥነ ሥርዐት ዛሬ በጉደር ከተማ መፈጸሙ ተነግሯል።

ሕንጸት ለሟች ቤተ ሰቦች መጽናናትን ይመኛል።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.