[the_ad_group id=”107″]

የ2016 ዓ.ም የ”ሕንጸት የመጽሐፍ ዕውቅና ሥነ ሥርዐት” ተከናወነ

March 3, 2024
Ashenafiwoch

ዓመታዊው የ”ሕንጸት የመጽሐፍ ዕውቅና ሥነ ሥርዐት” ቅዳሜ የካቲት 23፥ 2016 ዓ.ም. በሳፋየር አዲስ ሆቴል ተከናወነ። መርሓ ግብሩ በ2015 ዓ.ም. በክርስቲያን ወንጌል አማኝ ጸሓፍያን ተጽፈው ከተዘጋጁና ለመጨረሻው ዙር በዕጩነት ከቀረቡት መካከል፣ በተመረጡ ዳኞች እንዲሁም በሕንጸት የመጽሐፍ ክበብ አባላት ድምፅ ላይ በመመሥረት አሸናፊዎች ይፋ የሆኑበት ነበር።

ለዚህኛው ዓመት ውድድር የቀረቡት ዘውጎች ክርስቲያናዊ ሕይወት፣ ግለ ታሪክ፣ የፈጠራ ሥራዎች እንዲሁም ሥነ መለኮት ሲሆኑ፣ በሥነ መለኮት ዘውግ ውስጥ ዕቅበተ እምነት፣ ሥልታዌ ነገረ መለኮት እና መጽሐፍ ቅዱሳዊ ነገረ መለኮት ተካትተዋል። በዚህም መሠረት በእያንዳንዱ ዘርፍ ለፍጻሜው የተመረጡት ስድስት መጻሕፍት ዕውቅና ተሰጥቷቸዋል።

ከዚህ በተጨማሪም፣ ሕንጸት ክርስቲያናዊ ማኅበር፣ ለኤስ አይ ኤም ኢትዮጵያ የሕይወት ዘመን ዕውቅና የሰጠ ሲሆን፣ ይህም ተቋሙ ላለፉት 60 ዓመታት ለቤተ ክርስቲያን ተልእኮ ደጋፊ የሆኑ ኅትመቶችን በማበርከቱና፣ ለወንጌላዊ አማኞች የሥነ ጽሑፍ ዕድገት ያበረከተውን ላቅ ያለ አስተዋጽዖ በማስመልከት መሆኑ ተገልጿል።

ይህ ዓመታዊ የሆነው የ”ሕንጸት የመጽሐፍ ዕውቅና” መርሐ ግብር፣ ሕንጸት የመጽሐፍ ክበብ፣ ክርስቲያን ጸሐፊያን እንዲበራከቱ ለማበረታታትና የሚታተሙ መጻሕፍት ደረጃቸውን የጠበቁ እንዲሆኑ ለማገዝ የሚያደርገው ጥረት አካል ነው።

Hintset

1 comment

Your email address will not be published. Required fields are marked *

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.