[the_ad_group id=”107″]

ዶ/ር ለገሠ ወትሮ አረፉ

April 28, 2017
ዶ/ር ለገሠ ወትሮ አረፉ

ታዋቂው አስትሮፊዚስት ዶ/ር ለገሠ ወትሮ በመኖሪያ ቤታቸው ሳሉ በድንገት እንዳረፉ ነው የተነገረው፡፡ ዶ/ር ለገሠ በአዲስ አበባ ዩኒቨርሲቲ ከሃያ ዓመት በላይ በማስተማር ያገለገሉ ሲሆን፣ የኢትዮጵያ ስፔስ ሳይንስ ሶሳይቲ መሥራች፣ የኢትዮጵያ ሳይንስ አካዳሚ፣ የአፍሪካ አስትሮኖሚካል ሶሳይቲ እንዲሁም የአፍሪካ እና ኢትዮጵያ ፊዚካል ሶሳይቲ መሥራች አባል ነበሩ፡፡ ከዚህ በተጨማሪ፣ የዓለም አቀፉ አስትሮሚካል ዩኒየን አባልና የኢትዮጵያ ተጠሪ በመሆን ማገልገላቸውን ግለ ታሪካቸው ያስረዳል፡፡ በምርምር ሥራቸው ለብዙ መቶ ዓመታት ያልተፈታ የተባለ ሳይንሳዊ ግኝት እንዳላቸውና ለዚህም ከአማሪካ ባዮግራፊካል ኢንስቲትዩት እ.አ.አ በ2011 ሽልማት መቀበላቸውን ታሪካቸው ያስረዳል፡፡

ዶ/ር ለገሠ ወትሮ የሦስት ልጆች አባት የነበሩ ሲሆን፣ በቀደሙት ዘመናት በሙሉ ወንጌል ቤተ ክርስቲያን በመዘምራን ቡድን ውስጥ ያገለገሉና ዝማሬ ይደርሱ እንደ ነበር የሚታወቅ ሲሆን፣ በሕንጸት መጽሔት ላይ ዐምደኛ ሆነው አገልግለዋል፡፡ የዶ/ር ለገሠ የቀብር ሥነ ሥርዐት ዛሬ ሚያዚያ 20 ቀን፣ ከቀኑ 6-8 ሰዓት በጉለሌ ሞቢል ሙሉ ወንጌል ቤተ ክርስቲያን (ቅዱስ ጳውሎስ ሆስፒታል አጠገብ) የመታሰቢያ ፕሮግራም ከተደረገ በኋላ በጴጥሮስ ጳውሎስ መካነ መቃብር ሥርዐተ ቀብራቸው ይፈጸማል፡፡

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.