[the_ad_group id=”107″]

“ሌላ ሰው” ለውይይት ቀረበ

July 18, 2016
“ሌላ ሰው” ለውይይት ቀረበ

ወርኀዊው የሕንጸት መጽሐፍ ክበብ የግምገማ መርሓ ግብር እሑድ ሐምሌ 3 ቀን፣ 2008 ዓ.ም. በኢትዮጵያ ሥነ መለኮት ድኅረ ምረቃ ት/ቤት መሰብሰቢያ አዳራሽ ተካሄደ፡፡ በዕለቱ ለውይይት የቀረበው መጽሐፍ “ሌላ ሰው” የተሰኘው የዶ/ር ምሕረት ደበበ የልብ ወለድ ሥራ ነው፡፡

መጽሐፉ በሁለት ገምጋሚዎች ሂሰ የተሰጠበት ሲሆን፣ የመጀመሪያው ሂስ አቅራቢ ዶ/ር አበባ አማረ ናቸው፡፡ ዶ/ር አበባ የሥነ ጽሑፍ ባለሙያ እንደ መሆናቸው መጠን መጽሐፉን ያሄሱት በዚሁ አንጻር ነበር፡፡ በተለይም አንድ ልብ ወለድ ሊያሟላቸው የሚገባቸው ናቸው ያሏቸውን መሥፈርቶች እያጣቀሱ፣ “ሌላ ሰው” የተሰኘው የልብ ወለድ ሥራ ምን ያህል መሥፈርቶቹን እንዳሟላና እንዳጎደለ አሳይተዋል፡፡

ሁለተኛው የውይይት ጽሑፍ አቅራቢ የነበሩት የሥነ አእምሮ ሐኪም የሆኑት ፕ/ር አታላይ ዓለም ናቸው፡፡ እሳቸውም በበኩላቸው መጽሐፉ ከሥነ አእምሮ ጋር በተያያዘ ያነሣቸውን ጭብጦች በሚመለከት ሙያዊ ትንታኔ አቀርበዋል፡፡ “ሌላ ሰው” የተሰኘው ይህ የዶ/ር ምሕረት የልብ ወለድ መጽሐፍ ከሚያነሣቸው ጭብጦች መካከል በሥነ አእምሮ ዙሪያ ያሉ ችግሮችን እንደ መሆኑ መጠን፣ ይህንኑ በሚመለከት ምልከታቸውን ከመጽሐፉ በመነሣት አካፍለዋል፡፡

ዶ/ር ምሕረትም ሆነ ጽሑፍ አቅራቢዎቹ ከታዳሚያን ለተነሡላቸው ጥያቄዎችና አስተያየቶች በሁለት ዙር በተካሄደ ክፍለ ጊዜ ምላሻቸውን ሰጥተዋል፡፡

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.