[the_ad_group id=”107″]

ስለ ቤተ መጻሕፍት አደረጃጀት ግንዛቤ የሚያስጨብጥ ሥልጠና ተሰጠ

April 24, 2023
1O3A7424

“የቤተ መጻሕፍት አደረጃጀት” የተሰኘ የግማሽ ቀን ሥልጠና ለተለያዩ አጥቢያ ቤተ ክርስቲያናት ተወካዮች ተሰጠ። በሕንጸት የመጽሐፍ ክበብ አዘጋጅነት የተዘጋጀው ሥልጠና፣ ቅዳሜ ሚያዚያ 14 ቀን፥ 2015 ዓ.ም. በላቭ ኤንድ ኬር ማዕከል የተካሄደ ነበር።  

ሥልጠናው የተሰጠው በዘርፉ የብዙ ዓመታት ልምድ ባላቸውና በአሁኑ ወቅት በተባበሩት መንግሥታት ድርጅት የቤተ መጻሕፍት ከፍተኛ ረዳት በሆኑት በአቶ ሰሎሞን ወልደ ትንሣኤ ነው። አቶ ሰሎሞን፣ ስለ ቤተ መጻሕፍት አደረጃጀት እና ቤተ መጻሕፍት ለማደራጀት የሚያስችልን ጥሪትና ሀብት እንዴት ማሰባሰብ ይችላል በሚሉ ዐበይት ርእሶች ላይ ትኵረት አድርገው ትምህርት ሰጥተዋል። 

በዕለቱ ስለ ንባብ እና የንባብ ባሕል፣ በሕንጸት የመጽሐፍ ክበብ አባል ዳሰሳ የቀረበ ሲሆን፣ በሥልጠናው መጨረሻ ላይ ተሳታፊዎች፣ በቤተ ክርስቲያናቸው ያለውን ልምድ አካፍለዋል። በተጨማሪም፣ የንባብ ባሕልን ለማሳደግ ከሥልጠናው ያገኙትን ምክረ ዐሳብ ለመተግበርና ከሕንጸት የመጽሐፍ ክበብ ጋር ወደ ፊት ስለሚያከናውኗቸው ተግባራት ዐሳብ ተለዋውጠዋል።

ሕንጸት የመጽሐፍ ክበብ፣ የንባብ ባሕል እንዲዳብር የበኵሉን አስተዋጽኦ በማድረግ ላይ የሚገኝ ሲሆን፣ ሥልጠናው የተዘጋጀው ክበቡ በቋሚነት ከሚያዘጋጀው ወርኀዊ የመጽሐፍ ግምገማ መርሓ ግብር፣ በድረ ገጹ ላይ ለንባብ ከሚያቀርባቸው የመጽሐፍ ግምገማ ጽሑፎችና ከዓመታዊው የመጻሕፍት ዕውቅና ሥነ ሥርዐት ተግባራት ተጨማሪ ነው።

Hintset

Add comment

Your email address will not be published. Required fields are marked *

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.