[the_ad_group id=”107″]

ለሚሲዮናውያን አገልግሎት ይሰጣል የተባለ ማዕከል ተገነባ

November 15, 2018
ለሚሲዮናውያን አገልግሎት ይሰጣል የተባለ ማዕከል ተገነባ

ትራንስፎርሜሽናል ዲሳይፕል ሜኪንግ ሚኒስትሪስ (Transformational Disciple Making Ministries)፣ በአዲስ አበባ ከተማ፣ ንፋስ ስልክ ላፍቶ ክፍለ ከተማ በዐሥራ አንድ ሚሊዮን ብር ያስገነባውንና “ላይት ኤንድ ላይፍ“ ሲል የሰየመውን ማዕከል ኀዳር 5 ቀን 2011 ዓ.ም. ጥሪ የተደረገላቸው እንግዶች በተገኙበት አስመረቀ።

“ላይት ኤንድ ላይፍ” ማዕከል ይሰጣቸዋል ከተባሉት አገልግሎቶች መካከል፣ ሥልጠና፣ 24 ሰዓት የጸሎት አገልግሎት፣ ለጥናትና ምርምር፣ በሚሲዮን መስክ ላይ ለሚደክሙ አገልጋዮች ማረፊያና መዝናኛ፣ በወንጌል አማካኝነት ስደት ለሚደርስባቸው ጊዜያዊ ማረፊያ እንዲሁም ለአካባቢው ማኅብረ ሰብ የትምህርት ማዕከል የሚሉት ይገኙበታል።

የትራንስፎርሜሽናል ዲሳይፕል ሜኪንግ ሚኒስትሪስ (TDMM) ዳይሬክተር የሆኑት አቶ አይችሉህም በየነ በምረቃ ሥነ ሥርዐቱ ላይ እንደተናገሩት፣ የማዕከሉ ግንባታ የበርካታ ግለ ሰቦችን ጥረት የጠየቀና በታሰበለት ጊዜ የተጠናቀቀ መሆኑን አብራርተዋል። በሂደቱ ውስጥ ልዩ ዕገዛ ላደርጉ ግለ ሰቦችና ተቋማት የምስጋና ወረቅት የሰጡት አቶ አችይሉህም፣ ማዕከሉ ወንጌል ላልደረሳቸው የአገሪቱ ክፍሎች ወንጌልን ለማድረስ ለሚተጉ ሚሲዮናውያን ጉልሕ አስተዋጽዖ እንደሚያበረክትም ጠቁመዋል።

ወንጌል አልደረሰባቸውም በተባሉ አካባቢዎች ላይ ሚሲዮናውያንን በመላክ እንዲሁም በወንጌል ያመኑትን እውነተኛ ደቀ መዛሙርት በማድረግ አገልግሎት ላይ የተሰማራው ትራንስፎርሜሽናል ዲሳይፕል ሜኪንግ ሚኒስትሪስ (TDMM)፣ ኢትዮጵያን ጨምሮ በምሥራቅ አፍሪካ አገራት ላይ የሚንቀሳቀስ አገልግሎት ሲሆን፣ ኢትዮጵያ ውስጥ አንድ መቶ አንድ ከሚደርሱ ቤተ እምነቶችና አጋር አገልግሎቶች ጋር በመደበኛ የአጋርነት ስምምነት የሚሠራ ነው።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.