[the_ad_group id=”107″]

በሚዲያ አገልግሎት ላይ ትኩረት ያደረገ ዐውደ ጥናት መካሄድ ጀመረ

November 13, 2018
በሚዲያ አገልግሎት ላይ ትኩረት ያደረገ ዐውደ ጥናት መካሄድ ጀመረ

በኢትዮጵያ ወንጌላውያን ክርስትና ላይ ትኩረት አድርገው የሚሠሩ የቤተ እምነቶችና አጋር ተቋማት የብዙኀን መገናኛ አገልግሎቶች ላይ ትኩረቱን የሚያደርግ ዐውደ ጥናት ዛሬ በኔክሰስ ሆቴል ተጀመረ።

የገርጂ አማኑኤል ቤተ ክርስቲያን ከኢትዮጵያ ወንጌላውያን አብያተ ክርስቲያናት ኅብረት እና ሌሎች ተቋማት ጋር በመተባበር ያዘጋጀችው ዐውደ ጥናት፣ የዕውቀትና የልምድ ክፍተትን መሙላት፣ የጋራ በሆኑ ዕድሎችና ተግዳሮቶች ላይ ለመመካከር፣ በክርስቲያን ሚዲያ አገልግሎት ላይ የተሰማሩ አካላትን ለማስተሳሰር እንዲሁም የክርስቲያን ሚዲያ መማክርት ለማቋቋም የተሰኙ ዐላማዎችን ያነገበው ዐውደ ጥናቱ በአገር ውስጥ እና ከውጪ በመጡ ባለሙያዎች እየተካሄደ ያለ ነው።

ሁለት ቀን በሚቆየው ዐውደ ጥናት ላይ የሚዳሰሱ ርእሰ ጉዳዮች፣ የክርስቲያን ሚዲያ አስፈላጊነት ከመጽሐፍ ቅዱስ ዕይታ አንጻር፣ ስለ ሚዲያ ሕግ፣ የሚዲያ ሥነ ምግባር፣ የማኅበራዊ ሚዲያ አጠቃቀም እና የፊልም እና የዘጋቢ ፊልም ፋይዳንና አሠራርን የሚመለከቱ ናቸው።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.