[the_ad_group id=”107″]

የመከር የእግዚአብሔር ቤተ ክርስቲያን ለ“ብሔራዊ አገልግሎት ማእከል” ይውላል የተባለ ሕንጻ ልታስገነባ ነው

November 17, 2015
የመከር የእግዚአብሔር ቤተ ክርስቲያን ለ“ብሔራዊ አገልግሎት ማእከል” ይውላል የተባለ ሕንጻ ልታስገነባ ነው

የመከር የእግዚአብሔር ቤተ ክርስቲያን ኢትዮጵያ በየካ ክፍለ ከተማ በሚገኘው አጥቢያ ቤተ ክርስቲያን ቅጥር ግቢ ለብሔራዊ አገልግሎት ማእከል የሚውል ሕንጻ ለማስገንባት ጥቅምት 28 ቀን፣ 2008 ዓ.ም. የመሠረት ድንጋይ የመጣል ሥነ ሥርዐት አደረገች፡፡

የቤተ ክርስቲያኒቱ ዋና መጋቢ የሆኑት ቢሾፕ ኅሩይ ጽጌ በዕለቱ ባደረጉት ንግግር፣ ሕንጻው አንድ ሺህ አንድ መቶ ዐሥራ ስድስት ካሬ ሜትር ስፋትና አምስት ወለል ያህል የሚኖረው ሲሆን፣ ቤተ ክርስቲያኒቱ ለምታካሂዳቸው ብሔራዊ አገልግሎቶች ዋና ጽ/ቤት፣ ሌሎች አጎራባች አገሮችን ለማገልግል የሚሆን የማስተባበሪያ ቢሮ፣ የሥልጠና ማእከል እና ሁለገብ አዳራሽ ያለው ከመሆኑ በተጨማሪ፣ የእንግዳ ማረፊያ እና ገቢ የማስገኛ ሥራዎች የሚከናወኑበት እንደሚሆን ተናግረዋል፡፡

ግንባታውን ለማጠናቀቅ አንድ ዓመት ከስደስት ወር ያህል ጊዜ ሊፈጅ እንደሚችል የተነገረለት ይህ ሕንጻ፣ የቦታውን ግዢ ጨምሮ እስከ ዐሥራ ሰባት ሚሊዮን ብር ሊፈጅ እንደሚችል ተገምቷል፤ ለዚሁ የሚሆነው አብላጫው ገንዘብም ከተለያዩ ምንጮች መገኘቱ ተያይዞ ተገልጿል፡፡

መከር የእግዚአብሔር ቤተ ክርስቲያን በኢትዮጵያ የተመሠረተችው በ1983 ዓ.ም. ሲሆን፣ በአሁኑ ጊዜ ከአንድ መቶ ስድሳ በላይ አጥቢያ ቤተ ክርስቲያናት በመላ አገሪቱ ላይ አሏት ተብሏል፡፡

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.