[the_ad_group id=”107″]

የሃይማኖት መሪዎች በአገርና ሰላም ግንባታ ላይ ሊኖራቸው ስለሚገባ ሚና የሚያወሳ የፓናል ውይይት ተካሄደ

January 23, 2023
IMAGE 2023-01-23 12:50:10

በኢትዮጵያ ያሉ የሃይማኖት ተቋማት በአገርና ሰላም ግንባታ ላይ ሊጫወቱ ስለሚችሉት ሚና የፓናል ውይይት፣ ቅዳሜ ጥር 13 ቀን፥ 2015 ዓ.ም. ተካሄደ። ሙሉ ቀን በፈጀው በዚህ የፓናል ውይይት ላይ አራት ወረቀት አቅራቢዎች ተሳትፈዋል።

ፋውንዴሽን ኦፍ ክርስቲያን ሰርቫንትሁድ በተሰኘ አገር በቀል ድርጅት በተካሄደው የፓናል ውይይት፣ የሃይማኖት ተቋማቱ ሊኖራቸው የሚችለው ሚና ጉልሕ መሆኑ በተናጋሪዎች አጽንዖት ተሰጥቶበታል። በዚህም፣ በግጭት አፈታት ላይ ቄስ ገለታ ሲሜሶ (ዶ/ር)፣ ከአገር ግንባታ አንጻር መምህር ዳንኤል ሰይፈ ሚካኤል ፈለቀ፣ ከማኅበራዊ ትሥሥር አኳያ አባ ዳንኤል አሰፋ (ዶ/ር) እንዲሁም የሰላም ግንባታን በሚመለከት ተካልኝ ነጋ (ዶ/ር) ምክረ ዐሳባቸውን አካፍለዋል።

በክብር እንግድነት የተገኙት የሰላም ሚንስቴር፣ ሚንስትር ደኤታ አቶ ታዬ ደንዳኣ እና የኢትዮጵያ ሃይማኖቶች ጕባኤ ጠቅላይ ጸሐፊ ቀሲስ ታጋይ ታደለ፣ የሃይማኖት ተቋማት አገሪቱ ላለችበት ዘርፈ ብዙ ችግር ሁነኛ የመፍትሔ አካል ሊሆኑ እንደሚችሉ አመልክተዋል።

ፋውንዴሽን ኦፍ ክርስቲያን ሰርቫንትሁድ ክርስቲያናዊ ተቋም ሲሆን፣ የኅብረተ ሰብ ግንኙነት መልካም ሆኖና ጎልብቶ ለፈጣሪ ዐላማ እንዲውል የሚሠራ ተቋም መሆኑ በሥራ አስኪያጁ አቶ አንተነህ ወርቁ ተግልጿል።

Add comment

Your email address will not be published. Required fields are marked *

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.