[the_ad_group id=”107″]

ኅብረቱ መጋቢ ጻድቁን ዋና ጸሐፊ አድርጎ መረጠ

November 14, 2015
ኅብረቱ መጋቢ ጻድቁን ዋና ጸሐፊ አድርጎ መረጠ

የኢትዮጵያ ወንጌላውያን አብያተ ክርስቲያናት ኅብረት ዛሬ በዘጸአት አፖስቶሊክ ሪፎርሜሽን ቤተ ክርስቲያን መሰብሰቢያ አዳራሽ ባካሄደው ልዩ የጠቅላላ ጕባኤ በቄስ ዓለሙ ሼጣ ምትክ፣ መጋቢ ጻድቁ አብዶን በአብላጫ ድምፅ የኅብረቱ ዋና ጽሐፊ አድርጎ መምረጡ ተሰማ፡፡

የኅብረቱ የሥራ አስፈጻሚ ቦርድ ባዋቀረው አስመራጭ ኮሚቴ አማካይነት ዐሥራ አንድ እጩዎች ቀርበው የነበረ ሲሆን፣ የመራጭ ኮሚቴው ባዘጋጀው የመግባቢያ ሠነድ መሥፈርት መሠረት ሁለት ዕጩዎችን ብቻ ለምርጫ አቅርቧል፡፡ በዚህም፣ መጋቢ ጻድቁ አብዶ ከኢትዮጵያ ሙሉ ወንጌል አማኞች ቤተ ክርስቲያን፣ መጋቢ ቢኒያም ተመስገን ደግሞ ከኢትዮጵያ ጕባኤ እግዚአብሔር ቤተ ክርስቲያን የመጨረሻው ዕጩዎች ሆነው ቀርበው ነበር፡፡ በልዩ በጕባኤው ላይ ከተገኙ ድምፅ ሰጪዎች መካከል 124 የሚሆኑት ድምፃቸውን ለመጋቢ ጻድቁ የሰጡ ሲሆኑ፣ 66 የሚሆኑት ደግሞ መጋቢ ቢኒያምን መርጠዋል፡፡

በደረሰን መረጃ መሠረት፣ ቄስ ዓለሙ ሼጣ የኅብረቱን ጽሕፈት ለስምንት ዓመት ያህል በዋና ጸሐፊነት ያገለገሉ ሲሆን፣ የአገልገሎት ዘመናቸውን በመጨረሳቸው ምክንያት ነው ሌላ ዋና ጸሐፊ መምረጥ ያስፈለገው፡፡

መጋቢ ጻድቁ አብዶ የኢትዮጵያ ሙሉ ወንጌል አማኞች ቤተ ክርስቲያንን በወንጌላዊነት፣ ቀጥሎም በመጋቢነት ለረጅም ዓመታት አገልግለዋል፡፡ ከዚህ በተጨማሪም፣ የኢትዮጵያ ሙሉ ወንጌል አማኞች ቤተ ክርስቲያንን በዋና ጸሐፊነት ለስምንት ዓመታት የመሩ ሲሆን፣ ከዚያም የኢትዮጵያ ሙሉ ወንጌል ሥነ መለኮት ሴሚናሪየምን በፕሪንሲፓልነት አገልግለዋል፡፡ መጋቢ ጻድቁ የኢትዮጵያ ወንጌላውያን አብያተ ክርስቲያናት ኅብረት የሥራ አመራር ቦርድ አባል ሆነው እንደ ሠሩ የሕይወት ታሪካቸው ያሳያል፡፡

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.