[the_ad_group id=”107″]

የሰላም አማራጭ ማኅበረ ሰብ መሆን ስለሚቻልበት መንገድ አመላካች ሴሚናር ተካሄደ

February 3, 2024
DSC07912-2

ሕንጸት ከርስቲያናዊ ማኅበር እና ዊክሊፍ ኢትዮጵያ በጋራ በመሆን ያዘጋጁት ሴሚናር ተካሄደ። “በግጭት በሚናጥ ኅብረተ ሰብ ውስጥ አማራጭ ማኅበረ ሰብ መሆን” በሚል ርእስ በተዘጋጀውና ጥር 24 ቀን፥ 2016 ዓ.ም. በኃይሌ ግራንድ ሆቴል በተካሄደው ሴሚናር ላይ ጥሪ የተደረገላቸው የአብያተ ክርስቲያናትና የተለያዩ ተቋማት መሪዎች፣ እንዲሁም በተለያዩ ኀላፊነቶች ላይ ላሉ ግለ ሰቦች ተገኝተዋል።

ሴሚናሩ ወንጌላውያን አማኞች፣ ኢትዮጵያ እያለፈችበት ባለው የሰላም ዕጦት ምን በጎ አስተዋጽዖ ሊያበረክቱ ይችላሉ የሚል ዐሳብ ለማቀበል በሚል የተዘጋጀ ሲሆን፣ በመርሐ ግብሩ መጀመሪያ ክፍለ ጊዜ ላይ ሁለት ወረቀቶች ቀርበዋል። በሚስዮን ጥናት እና ተያያዥ ጕዳዮች ተመራማሪና መምህር የሆኑት ግርማ በቀለ (ዶ/ር) እና በአዲስ አበባ ዩኒቨርስቲ የሰላምና ደኅንነት ጥናት ተቋም ተባባሪ ፕሮፌሰር፣ እንዲሁም የኢትዮጵያ አገራዊ ምክክር ኮሚሽን ኮሚሽነር የሆኑት ዮናስ አዳዬ (ዶ/ር) ወረቀቶችን ለጕባዔው አቅርበዋል።

“ሚሲሎጂካል ሪፍሌክሽን” የተሰኘና በሕንጸት ክርስቲያናዊ ማኅበር እና በዊክሊፍ ኢትዮጵያዊ አዘጋጅነት በዓመት ለሁለት ጊዜያት ያህል የሚካሄድ የጥናት ሥራዎች የሚቀርቡበት የውይይት መድረክ እንደሚካሄድ በዕለቱ የተነገረ ሲሆን፣ የመድረኩ ዐላማ የወንጌል አማኙ ማኅበረ ሰብ የሚያጋጥሙትን ወቅታዊ ጕዳዮችና ተግዳሮቶች ደረጃቸውን በጠበቁ የምርምር ሥራዎች አማካኝነት የመፍትሔ ዐሳብ ማቀበል እንደ ሆነ ተነግሯል።

በዕለቱ የተከናወነው መርሐ ግብር፣ በሕንጸት እና በዊክሊፍ ኢትዮጵያ ድረ ገጾች ላይ ይቀርባሉ።

Hintset

1 comment

Your email address will not be published. Required fields are marked *

  • 1/ “ወረቀቶችን” ሳይሆን ጽሑፎችን ማለት ይሻላል፤ ጽሑሮቹ ይፋ ቢደረጉ ብዙዎች ሊሳተፉ ይችላል።
    2/ ወንጌላውያን አብያተ ክርስቲያናት አማኝ ነኝ ከሚሉት ከጠ/ሚ ዐቢይ ጋር መቆማችን በሕዝብ ፊት ውርደት ሆኖብናል። ዐቢይ፣ በፖለቲካ አመራራቸው ጉልህ ስህተት እንኳ እየታየባቸው በዝምታ መታለፋቸው በዋል ፈሰስ እንጂ ከእውነት ጋር ቁርኝት እንደሌለን ይመሰክራል። እንዲህ ዓይነቱ መድረክ ሥራ ከመፍታት የሚደረጉ ዓይነቶች ናቸው።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.