[the_ad_group id=”107″]

ፕሮፌሰር አታላይ ዓለም የሀርቫርድ ሽልማታቸውን ተቀበሉ

September 11, 2019
ፕሮፌሰር አታላይ ዓለም የሀርቫርድ ሽልማታቸውን ተቀበሉ

ዕውቁ የሥነ አእምሮ ሐኪምና ተመራማሪ የሆኑት ፕሮፌሰር አታላይ ዓለም ከሀርቫርድ ዩኒቨርሲቲ ስኩል ኦፍ ፐብሊክ ሄልዝ በ “Psychiatric Epidemiology and Biostatistics” የተሰጣቸውን ሽልማት ጳጉሜ 5 ቀን፥ 2011 ዓ.ም. በዩኒቨርሲቲው በተዘጋጀው ሥነ ሥርዐት ላይ በመገኘት ተቀብለዋል። ዩኒቨርሲቲው ሽልማቱን ያበረከተው ፕሮፌሰሩ በሥነ አእምሮ ሕክምና ዘርፍ ለአገሪቱ ባበረከቱት የላቀ አስተዋጽኦ እንደ ሆነ ተነግሯል።

 

በሽልማት ሥነ ሥርዐቱ ላይ ንግግር ያደረጉት ፕሮፌሰር አታላይ፣ “Building bridges for research and capacity building in low-income countries: the Ethiopian mental health research as a case example” በሚል ርእስ ለዩኒቨርሲቲው ማኅበረ ሰብ ገለጻ አድረገዋል። በሽልማት ሥነ ሥርዐቱ ላይ ከአዲስ አበባ ዩኒቨርሲቲ የጤና ሳይንስ ኮሌጅ ትምህርት ክፍል፣ ሦስት ከፍተኛ ባለሙያዎች መገኘታቸውንም ለማወቅ ተችሏል።

ፕሮፌሰር አታላይ ዓለም፣ በአማኑኤል ሆስፒታል የሥነ አእምሮ ሐኪምና የሆስፒታሉ ዳይሬክተር በመሆን ያገለገሉ ሲሆን፣ የአዲስ አበባ ዩኒቨርሲቲ የጤና ሳይንስ ኮሌጅ ዳይሬክተርና በሌሎች ኀላፊነቶች ላይ ለረዥም ዓመታት ሲሠሩ ቆይተዋል። ከዚህ ቀደም ፕሮፌሰር አታላይ ላበረከቱት ዘርፈ ብዙ አስተዋጽኦ፣ የ“Theodore and Vada Stanley Foundation, USA” እና የ“Robert Giel Award” ሽልማት የተበረከተላቸው መሆኑ ይታወቃል።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.