[the_ad_group id=”107″]

“በኢየሱስ ፊልም” ላይ ሲፖዚየም ተካሄደ

January 16, 2019
“በኢየሱስ ፊልም” ላይ ሲፖዚየም ተካሄደ

ግሬት ኮሚሽን ኢትዮጵያ “የኢየሱስ ፊልም በኢትዮጵያ” በሚል ርእስ ዛሬ ጥር 8 ቀን 2011 ዓ.ም. በኢንተርኮንቲኔንታል አዲስ ሆቴል የወንጌላውያን አብያተ ክርስቲያናት መሪዎችና አጋር የቤተ ክርስቲያን ተቋማት በተገኙበት ሲምፖዚየም አደረገ።

ሲፖዚየሙ “የኢየሱስ ፊልም” ለወንጌል ሥርጭት ያበረከተውን አስተዋጽኦ በማውሳት፣ አብያተ ክርስቲያናትም ሆኑ የሚሲዮን ተቋማት ‘ወንጌል አልደረሰባቸውም’ ተብለው በሚታሰቡ ቦታዎች ላይ በሚያከናውኗቸው የወንጌል ሥርጭት፣ ፊልሙን እንደ አንድ ሥልት ቢጠቀሙበት ውጤታማ እንደሚያደርጋቸው ነው የተነገረው። የግሬት ኮሚሽን የኢትዮጵያ ተወካይ የሆኑት አቶ ግርማ አታላይ የፊልሙን ጠቀሜታ ባብራሩበት ጊዜ እንደተናገሩት፣ ሲፖዚየሙን ማዘጋጀት ያስፈለገበት ዋና ዐላማ፣ ግሬት ኮሚሽን በወንጌል ሥርጭት ላይ ከሚሠራ ማንኛውም ተቋም ጋር በአጋርነት ለመሥራት የሚችልበት አጋጣሚ መፍጠሩን ለማሳወቅ መሆኑን ገልጸዋል።

በመጪው ዓመት አርባኛ ዓመቱን ይደፍናል የተባለው “የኢየሱስ ፊልም”፣ ከ1600 በላይ በሆኑ ቋንቋዎች የተተረጎመና አሁንም በመተርጎም ላይ ነው የተባለ ሲሆን፣ እስከ አሁን 8.1 ቢሊዮን ሕዝብ እንዳየው ተነግሯል። ከእነዚህ ተመልካቾች መካከል 500 ሚሊዮን በላይ የሆኑ ሰዎች ሕይወታቸውን ለክርስቶስ ሰጥተዋል ተብሏል። በኢትዮጲያም እስከ 30 ሚሊዮን ሕዝብ ፊልሙን እንድተመለከተውና፣ ስድስት ሚሊዮን የሚደርሱ ሰዎች ወደ እምነት መምጣታቸው ተገልጿል፤ አርባ ሰባት በሚደርሱ የኢትዮጵያ ቋንቋዎችም ተተርጉሟል ተብሏል።

“የኢየሱስ ፊልም”፣ ለአብያተ ክርስቲያናትና ሚሲዮናውያን በነጻ ከመታደሉም በላይ፣ ወንጌል ወዳልደረሳቸው ቦታዎች ሄደው ማሳየት ለሚፈልጉ የማሳያ ቁሶችን ከግሬት ኮሚሽን በነጻ ማግኘት እንደሚቻል አቶ ግርም አልታዬ ተናግረዋል።

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.