[the_ad_group id=”107″]

“ቱንቢ” የተሰኘው መጽሐፍ ለውይይት ቀረበ

June 15, 2016
ቱንቢ የተሰኘው መጽሐፍ ለውይይት ቀረበ

በሕንጸት የመጽሐፍ ክበብ አዘጋጅነት በየወሩ የሚካሄደው የመጽሐፍ ግምገማ መርሓ ግብር ባለፈው እሑድ ሰኔ፣ 5 ቀን 2008. ዓ.ም. በኢትዮጵያ ሥነ መለኮት ድኅረ ምረቃ ት/ቤት አዳራሽ ተከናወነ፡፡ የወሩ ተረኛ መጽሐፍ የነበረው በመርዓዊ ንጉሤ የተጻፈውና “ቱንቢ፡- መለኪያውን የማያውቅ ልኩን አያውቅም” የተሰኘው መጽሐፍ ነበር፡፡

በማቴዎስ ወንጌል ከምእራፍ አምስት እስከ ሰባት ባለውና “የተራራው ትምህርት/ስብከት” በሚሰኘው የጌታ ኢየሱስ ክርስቶስ ትምህርት ላይ ትኩረት ያደረገውን መጽሐፍ የገመገመው አቶ ኅሩይ አድማሱ ነበር፡፡ ግምጋሚው የመጽሐፉን ብርቱ ነጥቦች ካቀረበ በኋላ፣ ቢሻሻሉ ያላቸውን ሐሳቦች አመልክቷል፡፡ ይህንንም ሲያደርግ “በገላጭ ስብክት/ትምህርት” መሥፈርቶች መዝኖ እንደሆነም ለታዳሚያን አስረድቷል፡፡

ጸሐፊው መርዓዊ ከገምጋሚውም ሆነ ከተዳሚያን ለተሰጡት አስተያየቶች ያለውን አክብሮት ከገለጸ በኋላ ለተነሡለት ጥያቄዎች ምላሹን ሰጥቷል፡፡ ከተሰጡት ጥቆማዎችና አስተያየቶች በመነሣትም በቀጣይ ዕትም የሚያሻሽላቸውን ነገሮች መውሰዱንም እንዲሁ ገልጿል፡፡

በቀጣዩ ወር መርሓ ግብር ለውይይት የሚቀርበው መጽሐፍ በዶ/ር ምሕረት ደበበ የተጻፈውና “ሌላ ሰው” የተሰኘው ልብ ወለድ መጽሐፍ መሆኑ የተገለጸ ሲሆን፣ ግምገማው የሚካሄደውም ሐምሌ 10 ቀን፣ 2008 ዓ.ም. መሆኑ ተነግሯል፡፡

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.