[the_ad_group id=”107″]

ዊክሊፍ ኢትዮጵያ ዐሥረኛ ዓመቱን አከበረ

February 6, 2024
merkat

ዊክሊፍ ኢትዮጵያ የተመሠረተበትን ዐሥረኛ ዓመት በተለያዩ ዝግጅቶች አከበረ። ጥር 25 እና 26 2016 ዓ.ም. በተካሄዱ የተለያዩ ዝግጅቶች የተከበረው የተቋሙ የምሥረታ በዓል፣ አራት የመጽሐፍ ቅዱስ ትርጕሞች የተመረቁበት ነበር። አነስተኛ ተናጋሪ አሏቸው በተባሉ አራት ቋንቋዎች የተተረጐሙት የአዲስ ኪዳን መጻሕፍት ሲሆኑ፣ ትርጕሞቹ የተሠሩባቸው ቋንቋዎች ጻራ፣ ኢኖር፣ ዛይ እና ሙርሲ የተሰኙ ናቸው።

በዚሁ የክብረ በዓል መርሐ ግብር ላይ፣ በዊክሊፍ ኢትዮጵያ የመጽሐፍ ቅዱስ ትርጕም ሥራዎችን ለስምንት ዓመታት በሥነ ቋንቋ አማካሪነት ሲሠሩ ለቆዩት ዶ/ር ነቢዩ ዓለሙ፣ የመጽሐፍ ቅዱስ ትርጕም አማካሪነት መሉ የዕውቅና ሠርተፊኬት የተሰጣቸው ሲሆን፣ በትርጕም ሥራ ላይ ላበረከቱት አስተዋጽዖም ምስጋና ቀርቦላቸዋል።

ዊክሊፍ ኢትዮጵያ እሑድ ጥር 26 ቀን፥ 2016 ዓ.ም. በነበረው መርሐ ግብር፣ የዋና ጽ/ቤቱን ሕንጻ አስመርቋል። ሕንጻውንም፣ የመጀመሪያውን የዐማርኛ መጽሐፍ ቅዱስ ትርጕም በሠሩት አባ ሩሚ፣ “አባ ሩሚ ካምፓስ” በሚል መጠሪያ ሰይሞታል። በአፍሪካ ደረጃ፣ በመጽሐፍ ቅዱስ ትርጕም ሥራዎች ላይ የላቀ አበርክቶ ላመጡ ግለ ሰቦች በቋሚነት “የአባ ሩሚ ሽልማት” በሚል ዕውቅና እንደሚሰጥ የገለጸው ዊክሊፍ ኢትዮጵያ፣ የዚህን ዓመት ሽልማት ለኬኒያዊው ሙንዳራ ሙቱሪ አበርክቷል። ዊክሊፍ ኢትዮጵያ ከሚሰጣቸው የተለያዩ አገልግሎቶች መካከል፣ አነስተኛ ተናጋሪዎች ላሏቸው የኅብረተ ሰብ ክፍሎች፣ በቋንቋቸው መጽሐፍ ቅዱስን ማቅረብን ዐቢይ ትኵረቱ አድርጎ የሚሠራ መንፈሳዊ ተቋም ነው።

Hintset

Add comment

Your email address will not be published. Required fields are marked *

Latest News

SIGN UP FOR OUR NEWSLETTER.

Hintset’s latest news and articles of the week to encourage, challenge, and inform you.